Пошук

У Мінскай духоўнай семінарыі прайшоў круглы стол на тэму «Руская Праваслаўная Царква ў гады рэвалюцыйных узрушэнняў»

06 мая 2017

5 мая 2017 года ў Мінскай духоўнай семінарыі па благаславенню рэктара архіепіскапа Навагрудскага і Слонімскага Гурыя прайшоў круглы стол на тэму «Руская Праваслаўная Царква ў гады рэвалюцыйных узрушэнняў». У мерапрыемстве прынялі ўдзел выкладчыкі і студэнты семінарыі.

Падчас круглага стала протадыякан Павел Бубноў зрабіў паведамленне пра стан Рускай Праваслаўнай Царквы напярэдадні Лютаўскай рэвалюцыі 1917 года і аб працэсе падрыхтоўкі Усерасійскага Памеснага Сабора. Протадыякан Георгій Пшанко распавёў аб рэакцыі рускага праваслаўнага духавенства на падзеі Лютаўскай рэвалюцыі. У сваім выступленні дацэнт А. В. Слесараў паведаміў пра феномен «царкоўнай рэвалюцыі» вясны-лета 1917 года. Завяршылася мерапрыемства выступленнем загадчыка кафедры царкоўнай гісторыі семінарыі протаіерэя Аляксандра Раманчука, які падзяліўся сваімі развагамі аб сучаснай ацэнцы рэвалюцыйных падзей 1917 года.

Круглы стол праходзіў пад старшынствам прарэктара па навуковай працы Мінскіх духоўных акадэміі і семінарыі дацэнта А. В. Слесарева ў мемарыяльнай аўдыторыі імя прафесара Дз. П. Агіцкага. Выступленні дакладчыкаў суправаджаліся ажыўленай дыскусіяй.

Правядзенне круглага стала «Руская Праваслаўная Царква ў гады рэвалюцыйных узрушэнняў» адбылося ў рамках праграмы па захаванню памяці пра навамучанікаў і вызнаўцаў на 2017 год, прынятай на пасяджэнні Вучонай рады Мінскай духоўнай семінарыі 29 чэрвеня 2016 года.

МінДС / Church.by