Пошук

У Тураўскай епархіі малітоўна адзначылі свята Табынскай іконы Божай Маці

16 чэрвеня 2017

15 чэрвеня 2017 года, у дзень святкавання Табынскай іконы Божай Маці, ля сцен аднайменнай капліцы, размешчанай каля вёскі Чалюшчэвічы Петрыкаўскага раёна каля слыннай крыніцы, было здзейснена ўрачыстае богаслужэнне.

Шматлікія жыхары навакольных вёсак і іншых населеных пунктаў прыехалі да святой крыніцы, каб узнесці свае малітвы да Божай Маці і па Яе хадайніцтве атрымаць ацаленне ад несачаў і хвароб.

Падзяліць з вернікамі духоўную радасць прыбыў епіскап Тураўскі і Мазырскі Леанід, які ўзначаліў перад капліцай Бажэственную літургію пад адкрытым небам.

За Літургіяй Яго Праасвяшчэнству саслужылі: благачынны Петрыкаўскай акругі, настаяцель прыхода храма свяціцеля Мікалая Цудатворца ў горадзе Петрыкаў мітрафорны протаіерэй Васіль Немеш, настаяцель прыхода храма Успення Найсвяцейшай Багародзіцы ў вёсцы Кашэвічы іераманах Міхаіл (Лукаянаў) і настаяцель прыхода храма Пакрова Прасвятой Багародзіцы ў гарадскім пасёлку Капаткевічы іерэй Сергій Вашкоў.

Перад пачаткам Бажэственнай літургіі каля крыніцы адбыўся малебен з чытаннем акафіста Божай Маці перад абразом Яе «Табынская» і вадасвяццем.

Пропаведзь перад Прычасцем Святых Хрыстовых Тайн прамовіў іерэй Сергій Вашкоў.

Па адпусьце Бажэственнай літургіі архіерэй і саслужачыя яму святары здзейснілі малебен Прасвятой Багародзіцы.

Затым епіскап Леанід звярнуўся да вернікаў з архіпастырскім словам, у якім павіншаваў усіх са святам у гонар Табынскай іконы Божай Маці і ўзнагародзіў архіерэйскімі граматамі асабліва руплівых міран.  

Тураўская епархія / Church.by