Рус / Бел

Увазе юных літаратараў і даследчыкаў! Да завяршэння прыёму заявак на конкурсы работ навучэнцаў «Святло Праваслаўя» засталося 12 дзён

10 сакавіка 2021

top.jpg

Засталося 12 дзён да завяршэння прыёму заявак на конкурсы літаратурных і даследчых работ навучэнцаў «Святло Праваслаўя».

У конкурсах могуць прыняць удзел навучэнцы сярэдніх школ, ліцэяў і гімназій, устаноў сярэдняй спецыяльнай адукацыі, прафесійна-тэхнічнай і дадатковай адукацыі дзяцей і моладзі ва ўзросце 8-18 гадоў.

Прыём заявак вядзецца з 1 снежня 2020 года да 22 сакавіка 2021 года.

Конкурсы праводзяць Беларуская Праваслаўная Царква, Інстытут тэалогіі імя святых Мяфодзія і Кірыла БДУ, міжнароднае грамадскае аб'яднанне «Хрысціянскі адукацыйны цэнтр імя святых Мяфодзія і Кірыла» па благаславенню мітрапаліта Мінскага і Заслаўскага Веніяміна, Патрыяршага Экзарха ўсяе Беларусі.

Літаратурныя працы будуць ацэньвацца ў намінацыях:

  • «Не ў сіле Бог, а ў праўдзе!»: да 800-годдзя з дня нараджэння святога дабравернага князя Аляксандра Неўскага.
    «З малітвай за Беларусь».
  • « Іісус Хрыстос учора, і сёння, і навекі — той самы» (Яўр. 13:8): актуальнасць хрысціянскіх запаведзяў у сучасным свеце.
  • Мая вера — Праваслаўе.
  • Прысвячэнне храмам маёй малой радзімы (пацярпелыя і адноўленыя храмы Беларусі). У дадзенай намінацыі працы могуць суправаджацца ілюстрацыямі-малюнкамі, адсканаванымі і прымацаванымі ў лісце разам з тэкстам.

Даследчыя работы ўдзельнічаюць у намінацыях:

  • Прыклад мужнасці ў духоўнай гісторыі Айчыны: да 800-годдзя з дня нараджэння святога дабравернага князя Аляксандра Неўскага.
  • Подзвіг жанчыны ў гісторыі маёй малой радзімы.
  • Мой храм пад мірным небам Беларусі.
  • «Блажэ́нныя міратво́рцы, бо яны сына́мі Божымі назаву́цца» (Мф. 5:9).
  • Роля Праваслаўя ў фарміраванні духоўнасці беларускага народа.
  • Мы памятаем... (гісторыя храмаў, якія пацярпелі на тэрыторыі Беларусі ў савецкі перыяд).

У конкурсе могуць прыняць удзел навучэнцы сярэдніх школ, ліцэяў і гімназій, устаноў сярэдняй спецыяльнай адукацыі, прафесійна-тэхнічнай і дадатковай адукацыі дзяцей і моладзі ва ўзросце 8-18 гадоў.

Палажэнне аб Конкурсе творчых літаратурных работ «Святло Праваслаўя».

Палажэнне аб Конкурсе даследчых работ навучэнцаў «Святло Праваслаўя».

Church.by