Адноўлены страчаны ў гады багаборства вобраз Райцаўскай іконы Божай Маці з храма Праабражэння Гасподняга аграгарадка Райца ў Карэліцкім раёне
04 жніўня 2021
1 жніўня 2021 года ў прыходзе храма Праабражэння Гасподняга аграгарадка Райца Карэліцкага благачыння Навагрудскай епархіі адбылася ўрачыстая сустрэча адноўленай Райцаўскай іконы Божай Маці, якая была страчана пасля разбурэння храма ў савецкі перыяд часу.
Адноўлены вобраз Прасвятой Багародзіцы быў напярэдадні асвячаны ў Свята-Успенскім Жыровіцкім манастыры ля цудатворнага Жыровіцкага абраза Божай Маці і дастаўлены 1 жніўня ў Райцаўскі храм да пачатку Бажэственнай літургіі, якую ўзначаліў благачынны Карэліцкай царкоўнай акругі протаіерэй Мікалай Орса ў саслужэнні настаяцеля храма іерэя Аляксія Шышкіра і клірыкаў благачыння. Па заканчэнні Літургіі па пасёлку быў здзейснены хрэсны ход з адноўленай іконай.
У 2017 годзе падчас урачыстасцяў, прымеркаваных да святкавання 200-годдзя храма святой велікамучаніцы Варвары аграгарадка Райца, Высокапраасвяшчэннейшы архіепіскап Гурый благаславіў аднавіць згублены абраз Прасвятой Багародзіцы. Напісанне іконы было даручана мясцовым іканапісцу А. В. Салдатаву.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
