Пошук

Выйшаў у свет восьмы нумар «Часопіса Маскоўскай Патрыярхіі» за 2021 год

28 жніўня 2021

Выйшаў у свет восьмы нумар «Часопіса Маскоўскай Патрыярхіі» за 2021 год.

Да чытачоў звярнуўся старшыня рэдакцыйнага савета «Часопіса Маскоўскай Патрыярхіі» мітрапаліт Валакаламскі Іларыён:

«Праасвяшчэнныя архіпастыры, дарагія айцы, браты і сёстры!

Пачатак новага богаслужэбнага і навучальнага года ў верасні, да якога засталося зусім нядоўга, — вельмі важная падзея ў жыцці праваслаўных хрысціян. У адрозненне ад грамадзянскага новага году, менавіта ў гэты першы месяц восені і ў прыродзе, і ў жыцці адбываецца змена рытму, настрою, якую адчувае кожны чалавек. Нам асабліва варта задумацца над тым, наколькі сур'ёзна мы падрыхтаваліся адкрыць наступную старонку свайго жыцця, пачаць чарговы жыццёвы і духоўны цыкл, прамудра уладкаваны нашым Стваральнікам, таму што кожны новы перыяд заўсёды бывае звязаны з неабходнасцю цвярозага погляду на сябе і сваю ўнутраную будову. У гэтым пастаянным пераглядзе свайго стану і заключаецца важны складнік духоўнай працы над сабой кожнага чалавека. Невыпадкова менавіта ў гэтым месяцы пачынаецца навучальны год, які звязаны не толькі са школьнымі або ўніверсітэцкімі заняткамі, але і з неабходнасцю спасцігаць веды і тым, хто ўжо даўно скончыў вучобу. Кожнаму хрысціяніну належыць вучыцца сваёй веры, але ў яшчэ большай ступені гэта неабходна пастыру, які ад часоў апостальскіх закліканы Царквой да абавязку настаўніцтва. У Праваслаўі веданне заўсёды злучаецца з асабістым духоўным вопытам, з тым, што больш усякага розуму. Але разам з тым зразуменне веры без розуму, без дакладных ведаў усіх яе тонкасцяў немагчыма. Невыпадкова Хрыстос накіроўвае сваіх вучняў ісці і вучыць народы, а не толькі сведчыць аб тым, што яны перажылі ў сваім асабістым вопыце зносін з Богам.

Мы ведаем, што заклік Хрыста вучыць веры звернуты да кожнага пастыра, незалежна ад таго, ці выходзіць ён на амвон, ці ідзе да школьнай дошкі або становіцца пад прыцэлы тэлекамер. Вось чаму нам усім трэба сумленна ацаніць свой унутраны стан, старанна перагледзець свой духоўны вопыт і абавязкова падумаць аб тым, як абнавіць свае веды.

Будзем заўсёды памятаць словы апостала Паўла: «Ува́жлівым будзь да сябе і да вучэ́ння, трыма́йся гэтага; бо, ро́бячы гэта, і сябе спасе́ш, і тых, што слу́хаюць цябе» (1 Цім. 4:16). Усім нам добрага новага царкоўнага і навучальнага года!»

Змест нумара

Афіцыйная хроніка

• Служэнні і сустрэчы Свяцейшага Патрыярха Кірыла
• Першасвяціцельскае слова. Хрышчэнне змяніла светапогляд старажытных русічаў

Царкоўнае жыццё

• Мікалай Георгіеў. Каўчэг для Заступніцы Руплівай. У Казані Свяцейшы Патрыярх Кірыл асвяціў саборны храм Багародзіцкага мужчынскага манастыра
• Дар'я Купрахіна. Праваслаўе як лёс. Інданезійскі студэнт аб сваім духоўным шляху і ўражанні ад Расіі

Катэхізацыя

• Протаіерэй Аляксандр Сарокін. Мы знайшлі Месію! Як зрабіць катэхізацыю ўнікальнай і непаўторнай для будучага хрысціяніна

Храмабудаўнік

• Юры Савельеў, Алена Сліжэўская. Памяць рускага святога на Балгарскай зямлі. Як тры Аляксандры пабудавалі ў Сафіі Аляксандра-Неўскі сабор

Манастыры і манаства. XXI стагоддзе

• Аляксей Равуцкі. Пострыг як узнагарода. За 10 гадоў настаяцельцы Богаяўленскага манастыра Угліча ўдалося аднавіць і вярнуць усе храмы і большасць будынкаў абіцелі

Царква і грамадства

• Дзмітрый Анохін. Дзівеева ў атачэнні вялікай будоўлі. Навошта Свята-Троіцкі манастыр аб'ядноўваюць з Арзамасам і Саровам у адзін турыстычны кластар і што зменіцца для паломнікаў
• Уладзімір Малягін. Наша вера — не вучэнне, не філасофія, а само жыццё. Лаўрэат Патрыяршай літаратурнай прэміі аб перспектывах рускай літаратуры XXI стагоддзя

Духоўная адукацыя

• Мікалай Гогалін. Пастырскае выхаванне душы. Пермскай духоўнай семінарыі споўнілася 220 гадоў

Урокі стагоддзя

• Валянцін Серпянінаў. «Рэакцыйны» архіерэй. Да 125-годдзя з дня нараджэння архіепіскапа Паладыя (Камінскага)
• Протаіерэй Іаан Знаменскі. Каўказскі вандроўнік. Іераманах Сцяфан (Ігнаценка) — малавядомы падзвіжнік Пяцігорскай епархіі

Чытанне

• Новыя кнігі Выдавецкага дома «Пазнанне»
• Новыя кнігі выдавецтва Маскоўскай Патрыярхіі

Вечная памяць

• Архіепіскап Чымкенцкі і Таразскі Еляўферый
• Епіскап Аркадзій (Афонін)
• Протаіерэй Сергій Дроба

Патрыярхія.ru/Сhurch.by