Архімандрыт Амвросій (Шаўцоў) абраны вікарыем Гомельскай епархіі

Заслухаўшы рапарт Патрыяршага Экзарха ўсяе Беларусі аб прызначэнні вікарнага епіскапа ў Гомельскую епархію, члены Свяшчэннага Сінода пастанавілі абраць архімандрыта Амвросія (Шаўцова), намесніка Мікольскага мужчынскага манастыра горада Гомеля, вікарыем Гомельскай епархіі з тытулам «Светлагорскі».

Епіскап Бараўлянскі Ігнацій прызначаны на Полацкую кафедру

Свяшчэнны Сінод задаволіў прашэнне архіепіскапа Полацкага і Глыбоцкага Феадосія аб залічэнні яго на спачын у сувязі з дасягненнем 75-годдзя. Праасвяшчэнным Полацкім і Глыбоцкім вызначана быць епіскапу Бараўлянскаму Ігнацію, вікарыю Мінскай епархіі.

Старшынёй Сінадальнага аддзела па справах моладзі Беларускай Праваслаўнай Царквы прызначаны іерэй Мікалай Шульмін

Рашэннем Сінода Беларускай Праваслаўнай Царквы ад 23 жніўня 2019 года (журнал № 39) старшынёй Сінадальнага аддзела па справах моладзі БПЦ прызначаны іерэй Мікалай Шульмін, клірык прыхода храма роўнаапостальнай Марыі Магдаліны горада Мінска.

Патрыяршы Экзарх усяе Беларусі прыняў удзел у пасяджэнні Свяшчэннага Сінода

30 жніўня ў зале пасяджэнняў Свяшчэннага Сінода Патрыяршай і Сінадальнай рэзідэнцыі ў Данілавым манастыры ў Маскве Патрыярх Маскоўскі і ўсяе Русі Кірыл узначаліў чарговае пасяджэнне Свяшчэннага Сінода Рускай Праваслаўнай Царквы.