Епіскап Маладзечанскі Павел правёў сустрэчы са старшакласнікамі маладзечанскіх устаноў адукацыі
27 лютага 2019
14 лютага 2019 года епіскап Маладзечанскі і Стаўбцоўскі Павел наведаў маладзечанскую школу-інтэрнат для дзяцей з захворваннямі касцёва-мышачнай сістэмы і злучальнай тканкі.
Уладыку сустракала намеснік дырэктара школы Алена Анатольеўна Прэсняцова.
Епіскап Павел правёў сустрэчу з навучэнцамі 8-9 класаў на духоўна-маральныя тэмы. У ліку іншага, архіпастыр удзяліў асаблівую ўвагу стаўбцоўскай трагедыі.
Яго Праасвяшчэнства ўручыў у дар школе выданне Новага Запавету на беларускай мове, а школьнай бібліятэцы быў перададзены набор часопісаў «Ведамасці Мінскай мітраполіі».
18 лютага епіскап Павел наведаў гімназію № 10 горада Маладзечна, дзе правёў сустрэчу з навучэнцамі старэйшых класаў на духоўна-маральныя тэмы.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
