Пошук

Выдадзена кніга «Латыгольская царква», прысвечаная 250-годдзю царквы свяціцеля Мікалая Цудатворца ў вёсцы Латыгаль Вілейскага раёна Мінскай вобласці

23 жніўня 2021

Выдадзена кніга «Латыгольская царква» (1771-2021), прысвечаная 250-годдзю царквы свяціцеля Мікалая Цудатворца ў вёсцы Латыгаль Вілейскага раёна Мінскай вобласці. У выданні апавядаецца пра перадгісторыю храма амаль за стагоддзе да яго будаўніцтва і асноўныя падзеі і лёсы людзей, звязаных са святыняй.

Аўтар кнігі Аляксандр Сцяфанавіч Плавінскі выкарыстаў пры напісанні шырокае кола крыніц — матэрыялы архіва Мінскага епархіяльнага ўпраўлення, Цэнтральнага дзяржаўнага гістарычнага архіва Украіны ў горадзе Львоў, царкоўна-прыходкі летапіс Свята-Мікалаеўскай Латыгольскай царквы, ведамасць Латыгольскай царквы за 1847-1920 гады, кліравыя ведамасці царквы за 1872-1933 гады, матэрыялы «Памятных кніжак Віленскай вучэбнай акругі» і «Мінскіх епархіяльных ведамасцяў» за розныя гады, манаграфічную літаратуру, успаміны.

У змесце абазначаны асноўныя падзеі, звязаныя з жыццём храма:

• Свяціцель Мікалай Цудатворац;
• Сівая даўніна. Згарэлыя ўніяцкія храмы;
• Шляхта;
• Чарапкі;
• Гісторыя Латыгольскай царквы. Перыяд уніяцтва;
• Айчынная вайна 1812 года;
• Праваслаўны перыяд;
• Генерал-маёр Пагарэлаў;
• Царква і народная адукацыя;
• Эпоха перамен;
• Мірнае жыццё;
• Царкоўныя званы;
• Царкоўна-прыходскі летапіс Латыгольскай царквы;
• Паняціцкая прыпісная царква;
• Настаяцелі і адміністратары Латыгольскай царквы;
• Перыяды службы настаяцеляў і адміністратараў..

Кніга прайшла рэцэнзаванне ў Выдавецкай радзе Беларускай Праваслаўнай Царквы і атрымала грыф «Дапушчана да распаўсюджвання...»

izdatsovet.by/Church.by