Пошук

Моладзь Полацкай епархіі прыняла ўдзел у другім этапе міжнароднага праекта «Расія і Беларусь — дыялог без граніц»

23 верасня 2021

Дэлегацыя моладзі Полацкай епархіі прыняла ўдзел у другім этапе міжнароднага праекта «Расія і Беларусь — дыялог без межаў» — моладзевым злёце «Наша будучыня» ў г. Судагда Уладзімірскай вобласці.

У першы дзень злёту адбыўся круглы стол у Мурамцаўскім лесатэхнічным тэхнікуме, які быў прысвечаны пытанням гістарычнай агульнасці Беларусі і Расіі, культурнай спадчыне Уладзімірскай вобласці і развіццю турызму.

У другі дзень прайшоў трэнінг «Экалагічнае адзінства: гістарычны вопыт і сучасныя практыкі захавання лясных багаццяў і ачысткі водных рэсурсаў», на якім кіраўнік аддзела па працы з моладдзю Полацкай епархіі протаіерэй Ігар Чачуковіч выступіў з прэзентацыяй праектаў Полацкай епархіі.

Пасля падвядзення вынікаў злёту на тэрыторыі тэхнікума была пасаджана памятная ліпа.

У завяршэнне ўдзельнікі беларускай дэлегацыі наведалі Спаса-Праабражэнскі жаночы манастыр вёскі Спас-Купалішча і Свята-Нікольскі храм на падвор'і Багалюбскага манастыра ў сяле Лапцева Камяшкоўскага раёна.

Полацкая епархія/Church.by