На пасяджэнні Кансультатыўнага міжканфесійнага савета пры Упаўнаважаным па справах рэлігій і нацыянальнасцяў абмеркавалі ролю рэлігійных арганізацый ва ўмацаванні сям'і
12 лістапада 2019
12 лістапада 2019 года ў Мінску адбылося пасяджэнне Кансультатыўнага міжканфесійнага савета пры Упаўнаважаным па справах рэлігій і нацыянальнасцяў, прысвечанае тэме ролі рэлігійных арганізацый у садзейнічанні ўмацаванню сям'і, аховы мацярынства і дзяцінства.
Прэзідыум пасяджэння ўзначаліў Упаўнаважаны па справах рэлігій і нацыянальнасцяў Леанід Паўлавіч Гуляка.
Ад Беларускай Праваслаўнай Царквы ўдзел у пасяджэнні Савета прынялі: епіскап Полацкі і Глыбоцкі Ігнацій; протаіерэй Андрэй Волкаў, адказны сакратар Упраўлення спраў Мінскай Экзархіі, сакратар Мінскай епархіі; протаіерэй Павел Сярдзюк, старшыня Сінадальнай камісіі БПЦ па пытаннях сям'і, абароны мацярынства і дзяцінства.
На сустрэчы прысутнічалі таксама прадстаўнікі Рымска-Каталіцкай Царквы, пратэстанцкіх дэнамінацый, іудаізму і ісламу, супрацоўнікі шэрагу міністэрстваў і ведамстваў.
Аб укладзе Беларускай Праваслаўнай Царквы ва ўмацаванне сям'і і павышэнне грамадскай значнасці сямейных каштоўнасцяў прысутных праінфармаваў протаіерэй Павел Сярдзюк.
Дадаткова на пасяджэнні была абмеркавана тэма развіцця рэлігійнага турызму ў Беларусі.
У завяршэнне Упаўнаважаны па справах рэлігій і нацыянальнасцяў адказаў на пытанні прысутных.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
