Пошук

Зварот мітрапаліта Філарэта да беларускага народа напярэдадні выбараў Прэзідэнта Рэспублікі Беларусь

09 жніўня 2020

Дарагія браты і сёстры!

Узлюбленыя ў Госпадзе суайчыннікі!

У гэтыя дні, калі вырашаецца лёс нашай Радзімы, звяртаюся да вас са словамі любові і надзеі.

Бог — не бязладдзя Бог, а міру (1 Кар. 14:33), — кажа святы апостал Павел.

Мір — гэта вялікая каштоўнасць, і нашаму народу ён у свой час даўся вельмі вялікай цаной.

Беларусы прыйшлі да міру цярністым шляхам мужнасці і подзвігу. І зараз наш агульны абавязак — захаваць мір і згоду на роднай зямлі.

Заклікаю кожнага з вас да асаблівай адказнасці перад Богам і нашчадкамі. Памятайце, што мы — адна сям'я і што брат не павінен падымаць руку на брата. Незалежна ад вашых поглядаў і пераваг — выконвайце закон, слухайце голас свайго сумлення, будзьце людзьмі.

Няхай умудрыць нас Гасподзь зрабіць правільны выбар!

Божа, барані Беларусь!

+ Мітрапаліт Філарэт,

Ганаровы Патрыяршы Экзарх усяе Беларусі

31 ліпеня 2020 года

Church.by