Праваслаўныя брацтвы горада Маладзечна прынялі ўдзел у інтэлектуальным конкурсе
23 лютага 2021
20 лютага 2021 года, брацтвы горада Маладзечна: брацтва ў гонар святой блажэннай Валянціны Мінскай, брацтва ў гонар святой велікамучаніцы Варвары, брацтва ў гонар святога Міны, епіскапа Полацкага, брацтва ў гонар свяціцеля Мікалая Цудатворца прынялі ўдзел у інтэлектуальным конкурсе, прымеркаваным да Сусветнага дня праваслаўнай моладзі.
Удзельнікі брацтваў атрымалі канверты з заданнямі і картай. Пасля чаго яны адправіліся наведваць храмы: кафедральны сабор Успення Прасвятой Багародзіцы горада Маладзечна, храм святога велікамучаніка Георгія Перамаганосца горада Маладзечна, храм Усіх Святых горада Маладзечна, храм Пакрова Прасвятой Багародзіцы горада Маладзечна, храм Ражджаства Хрыстова горада Маладзечна, храм Ускладання Слаўнай Рызы Прасвятой Багародзіцы ва Улахерне вёскі Груздава, храм Праабражэння Гасподняга вёскі Насілава. Братчыкаў сустракалі настаяцелі храмаў і знаёмілі іх з гісторыяй храма.
Затым удзельнікі брацтваў вярнуліся ў Маладзечанскае епархіяльнае ўпраўленне і прынялі ўдзел у інтэлектуальным конкурсе з пытаннямі пра храмы, якія яны наведалі.
Па выніках конкурсу пераможцам стала брацтва ў гонар святой велікамучаніцы Варвары.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
