Пошук

Прафесар Мінскай духоўнай акадэміі іерэй Гардзей Шчаглоў стаў лаўрэатам Рэспубліканскага літаратурнага конкурсу «Міласэрнасць»

23 лютага 2023

Прафесар Мінскай духоўнай акадэміі, член Саюза пісьменнікаў Беларусі іерэй Гардзей Шчаглоў стаў лаўрэатам Рэспубліканскага літаратурнага конкурсу «Міласэрнасць».

Конкурс праводзіўся Саюзам пісьменнікаў Беларусі, Мінскім гарадскім аддзяленнем СПБ, рэспубліканскім грамадскім аб'яднаннем «Беларускае таварыства Чырвонага Крыжа» з мэтай асвятлення гуманітарнай дзейнасці, якая ажыццяўляецца ў Беларусі; прац членаў Беларускага Чырвонага Крыжа; павышэння прэстыжу валанцёрскай дзейнасці ў грамадстве, праслаўлення міласэрнасці і гатоўнасці дапамагчы тым, хто трапіў у складаную сітуацыю.

На разгляд журы конкурсу паступіла звыш 120 твораў-вершаў, апавяданняў, нарысаў, эсэ, інтэрв'ю, даследаванняў. У выніку журы выбрала шэсць лаўрэатаў.

Айцец Гардзей Шчаглоў прадставіў на конкурс артыкул «Шауль Чарніхоўскі: "...я люблю ваенны лазарэт...», прысвечаны ўрачэбнай дзейнасці ў гады Першай сусветнай вайны вядомага яўрэйскага паэта і перакладчыка Шауля Чарніхоўскага. Урач-паэт у гады вайны служыў у царкоўным лазарэце імя прападобнага Серафіма Сароўскага Камітэта Чырвонага Крыжа духоўна-навучальных устаноў Расійскай імперыі, які разгарнуўся ў будынку Мінскай духоўнай семінарыі. У публікацыі раскрыты вобраз Чарніхоўскага як прафесіянала і чалавека. Ацэнкай яго якасцяў служыла, перш за ўсё, любоў, якой адказвалі яму салдаты за ўвагу, дабрыню, спагадлівасць, інтэлігентнасць, і галоўнае – высокі прафесіяналізм. Любоў гэтая выяўлялася і ў шматлікіх лістах падзякі, якія атрымліваў Чарніхоўскі ад салдат, чые жыцці і здароўе ён выратаваў у гады вайны.

За службу ў лазарэце Чарніхоўскі быў удастоены двух ордэнаў: Святой Ганны 3-й ступені і Святога Станіслава 3-й ступені. Знакі гэтых ордэнаў "для асоб нехрысціянскіх веравызнанняў", на якіх выявы святых былі заменены двухгаловымі арламі, ён захоўваў да канца жыцця…

oo-spb.by/minda.by/Сhurch.by

Чытайце нас у мэсэнджэрах Telegram і Viber, 

сацсетках Instagram, ВКонтакте, 

Facebook і Одноклассники