Пошук

Кіраўнік моладзевага руху AGIOS Усіхсвяцкага прыхода сталіцы прыняў удзел у міжрэлігійным круглым стале «Міграцыя ў сучасным свеце: прычыны і выклікі»

18 верасня 2021

18 верасня 2021 года кіраўнік моладзевага руху AGIOS Усіхсвяцкага прыхода сталіцы Мікалай Камарчук прыняў удзел у круглым стале «Міграцыя ў сучасным свеце: прычыны і выклікі». Сустрэча была арганізавана мусульманскім рэлігійным аб'яднаннем у Рэспубліцы Беларусь.

Рэлігійныя абшчыны на сустрэчы прадстаўлялі муфтый Абу-Бекір Юх'янавіч Шабановіч, галоўны рабін рэлігійнага аб'яднання суполак прагрэсіўнага іудаізму ў Беларусі Рыгор Сямёнавіч Абрамовіч, ксёндз-канонік Францішак Рудзь.

У сваім дакладзе Мікалай Камарчук адзначыў, што любоў і захаванне міру з'яўляюцца важнымі складнікамі праваслаўнага веравучэння.

У ходзе дыскусіі былі разгледжаны як праблемы, з якімі сутыкаюцца мігранты па прыбыцці ў прымаючую краіну, так і ўплыў іх на сацыяльна-культурнае жыццё дзяржавы.

Удзельнікі круглага стала канстатавалі, што міграцыя — праблема, актуальная ва ўсіх краінах свету. Часцяком яна суправаджаецца неадпаведнасцю культурных і рэлігійных поглядаў, што можа выклікаць канфліктныя сітуацыі.

У Рэспубліцы Беларусь ёсць умовы для спрыяльнай інтэграцыі ў грамадства грамадзян іншых краін — сышліся ў меркаванні ўдзельнікі дыскусіі.

Наша задача на сённяшні дзень — узаемавыгаднае супрацоўніцтва прадстаўнікоў розных нацыянальнасцяў і рэлігій без ушчамлення інтарэсаў беларускага народа, — прыйшлі да заключэння ўдзельнікі круглага стала.

Church.by