Пошук

Сабор епіскапаў Украінскай Праваслаўнай Царквы: працэс прадастаўлення так званага Томаса аб аўтакефаліі не адлюстроўвае ўнутранай царкоўнай неабходнасці

13 лістапада 2018

13 лістапада 2018 года ў Успенскай Кіева-Пячэрскай лаўры Блажэннейшы мітрапаліт Кіеўскі і ўсяе Украіны Ануфрый узначаліў пасяджэнне Сабора епіскапаў Украінскай Праваслаўнай Царквы.

У Саборы епіскапаў прынялі ўдзел 83 з 90 епархіяльных і вікарных епіскапаў Украінскай Праваслаўнай Царквы, якія маюць права голасу. Згодна са Статутам аб кіраванні Украінскай Праваслаўнай Царквы, неабходны для прыняцця рашэння кворум складаюць 2/3 яго членаў, гэта значыць 60 архіерэяў.

Заслухаўшы паведамленне Блажэннейшага мітрапаліта Ануфрыя пра выклікі, якія паўсталі ў апошні час перад Украінскай Праваслаўнай Царквой, Сабор пастанавіў наступнае:

«1. Украінская Праваслаўная Царква, якая з'яўляецца кананічнай і прызнанай Памеснымі Праваслаўнымі Цэрквамі, здзяйсняючы сваё служэнне Богу і народу Украіны, прынцыпова падтрымлівае незалежнасць і тэрытарыяльную цэласнасць Украіны. Украінская Праваслаўная Царква прысутнічае ва ўсіх рэгіёнах Украіны і аб'ядноўвае як падкантрольныя, так і непадкантрольныя ўкраінскай уладзе тэрыторыі, перажываючы разам са сваім народам ўсе радасці і пакуты.

2. Украінская Праваслаўная Царква надзелена ўсімі правамі незалежнасці і самастойнасці, якія сёння патрэбныя для плённага служэння Богу і народу Украіны.

3. Украінская праваслаўная царква заўсёды паслядоўна выступала за вылячэнне расколу, за аднаўленне царкоўнага адзінства, гэта значыць за адзіную Царкву. Аднак аднаўленне адзінства Украінскага Праваслаўя не павінна азначаць ператварэнне Царквы ў элемент палітыкі ці прапаганды, паколькі гэта супярэчыць прыродзе Царквы. Перакананыя, што пераадоленне царкоўнага падзелу павінна адбывацца без умяшання дзяржаўных, палітычных і іншых знешніх сіл.

4. Сабор епіскапаў выступае супраць любых спроб змяніць назву Украінскай Праваслаўнай Царквы, пра што ўжо дэкларуецца першымі асобамі дзяржавы, і іншых праяў дыскрымінацыі вернікаў Украінскай Праваслаўнай Царквы на заканадаўчым узроўні. У выпадку прыняцця адпаведных законапраектаў Вярхоўнай Радай Украіны Украінская Праваслаўная Царква будзе абараняць свае правы ўсімі законнымі сродкамі, якія прадугледжаны «асновамі сацыяльнай канцэпцыі Украінскай Праваслаўнай Царквы», заканадаўствам Украіны і Еўрапейскай канвенцыяй па правах чалавека.

5. Сабор епіскапаў Украінскай Праваслаўнай Царквы лічыць, што рашэнні Свяшчэннага Сінода Канстанцінопальскага Патрыярхату ад 11 кастрычніка 2018 года адносна ўкраінскага царкоўнага пытання з'яўляюцца несапраўднымі і такімі, якія не маюць ніякай кананічнай сілы. У прыватнасці, рашэнне аб устанаўленні юрысдыкцыі Канстанцінопальскага Патрыярхату на тэрыторыі Украіны з'яўляецца вынікам спекулятыўнага трактавання царкоўнай гісторыі. А рашэнне аб зняцці анафемы і іншых царкоўных забаронаў з лідараў расколу і прызнанне сапраўднасці псеўдахіратоній, якія былі здзейснены імі падчас знаходжання ў расколе, з'яўляецца вынікам скажонага тлумачэння праваслаўных канонаў. Гісторыя Праваслаўнай Царквы не ведае выпадкаў пераадолення расколу шляхам яго простай легалізацыі. Прыняўшы такія антыкананічныя рашэнні, прызнаўшы раскольнікаў у існым сане, Канстанцінопальскі Патрыярхат, згодна з царкоўнымі правіламі, сам стаў на шлях расколу. У сувязі з гэтым, еўхарыстычныя зносіны Украінскай Праваслаўнай Царквы з Канстанцінопальскім Патрыярхатам у цяперашні час немагчымае і спыняецца.

6. Лічым недапушчальным незаконнае ўмяшанне Канстанцінопальскага Патрыярхату ва ўнутраныя справы іншы Памеснай Царквы і спробы вырашаць украінскае царкоўнае пытанне з удзелам дзяржаўнай улады і раскольнікаў, ігнаруючы голас кананічнай Украінскай Праваслаўнай Царквы. Замест гэтага з жалем канстатуем, што сотні тысяч зваротаў вернікаў нашай Царквы да Патрыярха Варфаламея з заклікам не ўзаконьваць раскол на падставе стварэння аўтакефаліі так і засталіся без увагі.

7. Сабор епіскапаў адзначае, што працэс прадастаўлення так званага Томаса аб аўтакефаліі з'яўляецца штучным, навязаным звонку, ён не адлюстроўвае ўнутранай царкоўнай неабходнасці, не прынясе рэальнага царкоўнага адзінства, паглыбіць падзел і ўзмоцніць канфлікты сярод народа Украіны. Пры такіх умовах удзел епіскапату, духавенства і міран Украінскай Праваслаўнай Царквы ў гэтых працэсах лічым немагчымым.

8. Украінская Праваслаўная Царква прынцыпова прытрымліваецца кананічнага падыходу да пераадолення царкоўнага падзелу. У аснове гэтага падыходу ляжыць неабходнасць пакаяння тых, хто вяртаецца з расколу. Дзверы Царквы ніколі не зачыняліся перад тым, хто хоча быць духоўна дасканалым праваслаўным хрысціянінам.

9. Сабор епіскапаў канстатуе, што незаконныя дзеянні Канстанцінопальскага Патрыярхату прыводзяць да глыбокага царкоўнага крызісу, як ва Украіне, так і ў сусветным Праваслаўі. Молімся, каб голас шматмільённай паствы Украінскай Праваслаўнай Царквы быў пачуты, а здзейсненыя дагэтуль Канстанцінопальскім Патрыярхатам дзеянні былі выпраўленыя.

10. Сабор епіскапаў Канстанцінопальскага Патрыярхату заклікае да дыялогу з Украінскай Праваслаўнай Царквой з брацкім удзелам усіх Памесных Праваслаўных Цэркваў з мэтай саборнага рашэння гэтай праблемы.

11. Сабор епіскапаў просіць Прадстаяцеля Украінскай Праваслаўнай Царквы мітрапаліта Кіеўскага і ўсяе Украіны Ануфрыя звярнуцца да Прадстаяцеляў Памесных Праваслаўных Цэркваў з нагоды крызіснай сітуацыі, якая склалася ў царкоўным жыцці Украіны ў выніку незаконнага ўмяшання Канстанцінопальскага Патрыярхату.

12. Сабор епіскапаў заклікае ўсіх дзяцей Украінскай Праваслаўнай Царквы ўзмацніць малітвы, захоўваць адзінства паміж сабой і вернасць Святой Хрыстовай Царкве і не баяцца магчымых выпрабаванняў, памятаючы словы Госпада і Спасіцеля нашага Іісуса Хрыста «Мужайцеся: Я перамог свет» (Ін. 16: 33)».

Украінская Праваслаўная Царква / Church.by