Пошук

Адбылася інтранізацыя Свяцейшага Патрыярха Сербскага Парфірыя

20 лютага 2021

19 лютага 2021 года пасля заканчэння Саборнай архіерэйскай Літургіі ў бялградскім кафедральным саборы Архангела Міхаіла быў здзейснены чын інтранізацыі новаабранага Свяцейшага архиепискапа Печскага, Мітрапаліта Бялграда-Карлавацкага і Патрыярха Сербскага Парфірыя.

У адпаведнасці са Статутам Сербскай Праваслаўнай Царквы інтранізацыя адбылася на наступны дзень пасля абрання Прадстаяцеля на Архіерэйскім саборы.

За Бажэственнай Літургіяй абранаму Патрыярху саслужылі архіерэі і клірыкі Сербскай Царквы.

Па адпусце Літургіі адбыўся чын інтранізацыі Свяцейшага Патрыярха Парфірыя; яму былі ўручаны знакі Патрыяршай годнасці. На галаву новага Прадстаяцеля быў ускладзены белы клобук.

Аб інтранізацыі 46-га Патрыярха Сербскай Праваслаўнай Царквы жыхароў Белграда апавясціў святочны звон званоў сабора святога Архангела Міхаіла.

На ўрачыстасці прысутнічалі: Прэзідэнт Сербіі Аляксандр Вучыч і члены ўрада гэтай краіны; член Прэзідыума Босніі і Герцагавіны ад Рэспублікі Сербскай Міларад Додзік; Прэзідэнт Рэспублікі Сербскай Желька Цвиянавич; лідары найбуйнейшых рэлігійных абшчын, іншыя ганаровыя госці. У храме сабралася мноства вернікаў Сербскай Праваслаўнай Царквы.

Як адзначыў у слове пасля інтранізацыі Свяцейшы Патрыярх Парфірый, словы Госпада «Сіла Мая ў немачы здзяйсняецца» (2 Кар. 12:9) заахвочваюць яго прыняць «на свае нямоглыя плечы святы і цяжкі крыж Патрыяршага служэння». Ён назваў важнай жыццёвай мэтай «ісці ступнямі мудрасці Патрыярха Германа, ісці слядамі Патрыярха Паўла і быць дзецьмі Патрыярха Ірынея».

Прадстаяцель Сербскай Праваслаўнай Царквы папрасіў архіпастыраў, пастыраў і ўсіх вернікаў малітоўна падтрымаць яго на шляху даручанага яму Патрыяршага служэння.

Па традыцыі інтранізацыя таксама пройдзе ў Печскай Патрыярхіі (Косава і Метохія), на старажытным троне сербскіх Першасвяціцеляў. Як паведамлялася 19 лютага, дата гэтай ўрачыстай падзеі будзе вызначана і апублікавана пазней.

Патрыярхія.ру / Church.by