Пошук

Адбылося чарговае пасяджэнне Каардынацыйнай рады па бібліятэчнай дзейнасці пры Сінадальным аддзеле рэлігійнай адукацыі і катэхізацыі Беларускага Экзархату

26 мая 2017

23 мая 2017 года пад старшынствам епіскапа Барысаўскага і Мар'інагорскага Веніяміна адбылося чарговае пасяджэнне Каардынацыйнай рады па бібліятэчнай дзейнасці пры Сінадальным аддзеле рэлігійнай адукацыі і катэхізацыі Беларускай Праваслаўнай Царквы. Вяла пасяджэнне намеснік старшыні Савета, галоўны бібліятэкар НДА бібліятэказнаўства Нацыянальнай бібліятэкі Беларусі В. А. Рынкевіч. Прысутнічала 22 члена рады, якія прадстаўляюць усе рэгіёны Беларусі і епархіі БПЦ.

Былі разгледжаны асноўныя напрамкі дзейнасці рады ў адпаведнасці з планам работы на 2017 год.

Актыўны ўдзел у іх абмеркаванні прынялі: епіскап Барысаўскі і Мар'інагорскі Веніямін, галоўны бібліятэкар НДА бібліятэказнаўства В. А. Рынкевіч, намеснік дырэктара ДУК «Барысаўская цэнтральная раённая бібліятэка імя І. Х. Каладзеева» Г. М. Слесарэнка, дырэктар ДУ «Гомельская цэнтральная гарадская бібліятэка імя А. І. Герцэна» Г. С. Уласава, загадчык філіялам Лідскай гарадской бібліятэкі №4 і загадчык Цэнтральнай бібліятэкай Лідскай епархіі В. І. Гольмант, метадыст аддзела адукацыі, спорту і турызму Полацкага гарвыканкама Г. М. Атвалка, член рады па бібліятэчнай дзейнасці Т. А. Квасава, бібліятэкар Уваскрасенскага сабора горада Брэста Т. В. Багданава, загадчыца цэнтральнай бібліятэкі Беларускага Экзархату С. Ф. Вінаградава, кіраўнік аддзела рэлігійнай адукацыі і катэхізацыі Полацкай епархіі Л. І. Кагалёнак, загадчыца аддзела абслугоўвання і інфармацыі Цэнтральнай раённай бібліятэкі імя М. Багдановіча горада Маладзечна Т. І. Закрэўская і іншыя.

Намеснік старшыні Каардынацыйнага савета В. А. Рынкевіч прааналізавала мерапрыемствы, якія праводзіліся радай на працягу бягучага года, адзначыла тыя з іх, якія былі арганізаваны пазапланава дзякуючы актыўнасці членаў рады і запатрабаванасці інфармацыі па пытаннях духоўнай асветы і выхавання ў грамадстве.

Асабліва былі адзначаны семінары па павышэнню кваліфікацыі бібліятэкараў прыходскіх і свецкіх бібліятэк, якія працуюць у кірунку духоўнага асветы і духоўна-маральнага выхавання, арганізаваныя членамі Каардынацыйнай рады ў Мінскай і Лідскай епархіях.

У 2017 годзе па благаславенню мітрапаліта Мінскага і Заслаўскага Паўла Каардынацыйнай радай адпрацоўваецца пілотны праект семінараў па павышэнню кваліфікацыі бібліятэкараў з тым, каб у далейшым ажыццяўляць іх арганізацыю на пастаяннай аснове. Члены рады актыўна абмяркоўвалі пытанні арганізацыі семінараў і ацанілі іх станоўчы эфект, як у плане пытанняў павышэння кваліфікацыі, так і ў плане ўмацавання аўтарытэту дзейнасці свецкіх бібліятэк па духоўнаму асветніцтву ў рэгіянальных органах дзяржаўнага кіравання.

Асобна разглядалася пытанне арганізацыі аддзяленняў Каардынацыйнай рады ў рэгіёнах, падобных Метадычнаму аб'яднанню бібліятэк Барысаўскага раёна, якія працуюць з праваслаўнай кнігай, дзеючым пры ДУК «Барысаўская цэнтральная раённая бібліятэка імя І. Х. Каладзеева». Быў адзначаны станоўчы вопыт дапамогі школьным бібліятэкам, якія адчуваюць значны недахоп у лепшых узорах праваслаўнай літаратуры для дзяцей.

Пытанню работы школьных бібліятэк па духоўнай асвеце і выхаванню было нададзена значнае месца. У сувязі з ліквідацыяй Навукова-педагагічнай бібліятэкі ГІАЦ Міністэрства адукацыі Рэспублікі Беларусь большасць з іх застаюцца без навукова-метадычнага забеспячэння. На працягу 2017 года яны заставаліся не інфармаванымі аб правядзенні канферэнцый, семінараў і іншых мерапрыемстваў, якія арганізуюцца Каардынацыйнай радай. Членамі рады былі адзначаны і асобныя цяжкасці, якія ўзніклі пры арганізацыі ўдзелу бібліятэк устаноў адукацыі ў III Рэспубліканскім конкурсе «Бібліятэка — цэнтр духоўнай асветы і выхавання».

Епіскап Барысаўскі і Мар'інагорскі Веніямін звярнуў увагу прысутных на неабходнасць больш актыўна абменьвацца інфармацыяй аб мерапрыемствах у рэгіёнах і прадстаўляць іх на сайтах oroik.by і biblioteka-hram.by.

— Добрыя ідэі часта ўзнікаюць далёка ад сталіцы, — сказаў уладыка Веніямін, — важна, каб яны даходзілі да ўсіх.

На пасяджэнні рады было прынята рашэнне аб правядзенні семінараў для членаў Каардынацыйнай рады на базе духоўна-асветніцкага цэнтра ДУК «Барысаўская цэнтральная раённая бібліятэка імя І. Х. Каладзеева» з мэтай знаёмства з іх вопытам работы. Таксама былі намечаны шляхі арганізацыйна-інфармацыйнай падтрымкі бібліятэк установамі адукацыі.

Адна з асноўных мэт работы Каардынацыйнай рады — арганізацыя ўзаемадзеяння, інфармацыйнай падтрымкі і рэальнай дапамогі, незалежна ад ведамаснай прыналежнасці, тым бібліятэчным установам, якія працуюць на ніве духоўнай асветы, патрыятычнага і маральнага выхавання ў традыцыях Праваслаўнай Царквы і ўмацавання іх аўтарытэту ў грамадстве.

Барысаўская епархія / Church.by