Свяцейшы Патрыярх Маскоўскі і ўсяе Русі Кірыл павіншаваў архіепіскапа Навагрудскага і Слонімскага Гурыя з 25-годдзем архіерэйскай хіратоніі

04 жніўня 2021

top.jpg

Свяцейшы Патрыярх Маскоўскі і ўсяе Русі Кірыл павіншаваў архіепіскапа Навагрудскага і Слонімскага Гурыя з 25-годдзем архіерэйскай хіратоніі.

Яго Высокапраасвяшчэнству, Высокапраасвяшчэннейшаму Гурыю, архіепіскапу Навагрудскаму і Слонімскаму

Ваша Высокапраасвяшчэнства!

Сардэчна віншую Вас са знамянальнай датай — 25-годдзем архіерэйскай хіратоніі.

Чвэрць стагоддзя таму па малітвах Царквы праз ускладанне свяціцельскіх рук на Вас спачыла благадаць Усесвятога Духа і Вы былі далучаны да ліку апостальскіх пераемнікаў. З тых часоў і да сёння Вы імкнецеся рупліва выконваць ускладзены на Вас адказны послух па кіраванні Навагрудскай епархіяй. Прыемна адзначыць, што Вы праяўляеце дзейсны клопат аб развіцці царкоўнага жыцця ў гэтым удзеле Божым, аб духоўным ўзрастанні даручаных Вам славесных авечак статка Хрыстова.

У наш час, калі размываюцца межы паміж дабром і злом, а грамадству навязваецца ідэалогія адноснасці маральных норм, кожны праваслаўны хрысціянін павінен словам і справай сведчыць аб вечных маральных ісцінах. Найболей жа святарам належыць без ляноты працаваць на славу Божую і на карысць блізкіх, дапамагаць людзям ісці па нялёгкім шляху спасення, заклікаючы іх да любові і міласэрнасці, цярпення і спагады, міру і згоды.

Зважаючы на руплівае служэнне, і ў сувязі з 25-годдзем архіерэйскай хіратоніі мяркую справядлівым удастоіць вас ордэна прападобнага Серафіма Сароўскага (II ступені).

Малітоўна жадаю Вам моцы душэўных і цялесных сіл, шчодрай дапамогі Божай і поспеху ў вашых далейшых працах на карысць Святой Царквы.

З любоўю у Госпадзе

+КІРЫЛ, ПАТРЫЯРХ МАСКОЎСКІ І ЎСЯЕ РУСІ

patriarchia.ru/Church.by