У Дзівееўскім манастыры адбыліся ўрачыстасці з нагоды дня памяці прападобнага Серафіма Сароўскага і 30-годдзя другога знойдзення яго святых мошчаў

01 жніўня 2021

top.jpg

31 ліпеня і 1 жніўня 2021 года ў Свята-Троіцкім Серафіма-Дзівееўскім жаночым манастыры адбыліся ўрачыстасці, прымеркаваныя да дня памяці прападобнага Серафіма Сароўскага і 30-годдзя другога знойдзення яго святых мошчаў.

1 жніўня служэнне Бажэственнай літургіі пад адкрытым небам на Саборнай плошчы манастыра ля ракі з пачэснымі мошчамі прападобнага Серафіма, па традыцыі прынесенымі перад пачаткам богаслужэння з Троіцкага сабора і пастаўленымі за прастолам, узначаліў мітрапаліт Санкт-Пецярбургскі і Ладажскі Варсанофій у саслужэнні сабору архіерэяў.

За Літургіяй разам з паломнікамі і прыхаджанамі маліліся настаяцельніца Дзівееўскага манастыра ігумення Сергія (Канкова) з сёстрамі абіцелі, настаяцелькі іншых манастыроў Рускай Праваслаўнай Царквы.

Для паломнікаў і прыхаджан была арганізавана трансляцыя богаслужэння на экранах, усталяваных на тэрыторыі манастыра. Прамую трансляцыю Бажэственнай літургіі можна было паглядзець на сайце Ніжагародскай мітраполіі, на паломніцка-турыстычным партале «Серафімава зямля» , у эфіры тэлекампаній ННТВ «Спас» і «Саюз» і ў сетцы Інтэрнэт.

На патроенай екценні было ўзнесена асаблівае прашэнне аб выратаванні людзей ад пагібельнай пошасці.

Мітрапаліт Варсанофій здзейсніў слаўленне прападобнаму Серафіму Сароўскаму і прачытаў малітву ля пачэсных мошчаў святога.

У гэтым годзе ў сувязі са складанай эпідэмічнай абстаноўкай дні памяці прападобнага Серафіма праходзяць у адпаведнасці з патрабаваннямі Расспажыўнагляду. На тэрыторыі манастыра неабходна выкарыстоўваць сродкі санітарнай апрацоўкі рук, выконваць сацыяльную дыстанцыю, насіць ахоўную маску. На ўваходах у манастыр валанцёры Ніжагародскай епархіі выдавалі паломнікам маскі, вымяралі тэмпературу, рукі апрацоўвалі антысептыкам.

Пасля заканчэння набажэнства мітрапаліт Дыянісій павіншаваў усіх са святам і зачытаў прывітанне Свяцейшага Патрыярха Кірыла ўдзельнікам урачыстасцяў з нагоды дня памяці прападобнага Серафіма Сароўскага і 30-годдзя другога знойдзення яго святых мошчаў.

Затым кіраўнік спраў Маскоўскай Патрыярхіі падзякаваў ігуменні Сергіі за яе працы па адраджэнні Дзівееўскай абіцелі і ў год 75-годдзя настаяцелькі манастыра ўручыў ёй высокую царкоўную ўзнагароду — ордэн роўнаапостальнай княгіні Вольгі II ступені.

Настаяцельніца манастыра падзякавала архіпастырам за візіт. «У наш час прароцтвы прападобнага Серафіма спраўджваюцца, — сказала яна. — Калі бацюшка казаў, што сваімі мошчамі ён будзе спачываць у Дзівееве, а не ў Сарове, мала хто ў гэта верыў. Але так і адбылося. Прападобны прадказваў, што прыходская Казанская царква будзе манастырскім храмам, і цяпер гэта сапраўдны сабор з 13 прастоламі. Казаў бацюшка, што ўсе зямельныя ўгоддзі ў Дзівееве да самай ракі будуць належаць абіцелі, і цяпер гэта так. І, нарэшце, паводле запавету прападобнага пабудаваны сабор на Святой Канаўцы, які стаяў у адну лінію з Троіцкім і званіцай. Яшчэ адным суцяшэннем для нас стала тое, што дзень 30-годдзя перанясення мошчаў прападобнага Серафіма ў Дзівеева прыйшоўся на нядзелю — малы Вялікдзень. Няхай Гасподзь малітвамі прападобнага заўсёды даруе вам Велікодную радасць у вашай архіпастырскай працы».

Мітрапаліт Ніжагародскі і Арзамаскі Георгій у пачатку сваёй пропаведзі тройчы звярнуўся да ўсіх вернікаў з пасхальным прывітаннем «Хрыстос Уваскрэс!» Уладыка заклікаў усіх прытрымлівацца запаветаў прападобнага Серафіма, які сэнс жыцця чалавека бачыў у здабыцці Духа Святога. Гэта духоўная дзейнасць, вядома, можа здацца непасільнай, але з Божай дапамогай, падкрэсліў уладыка Георгій, і Яго благадаццю «якая нямоглае вылечвае і растрачанае папаўняе», усё магчыма.

Фота: diveevo-monastyr.ru

patriarchia.ru/diveevo-monastyr.ru/Church.by