Пошук

У Мінскім Свята-Духавым кафедральным саборы адбылася рабочая сустрэча прадстаўнікоў Беларускай Праваслаўнай Царквы з галоўнымі ўрачамі сталічных бальніц

26 кастрычніка 2023

Па благаславенню Мітрапаліта Мінскага і Заслаўскага Веніяміна, Патрыяршага Экзарха ўсяе Беларусі, у Мінскім Свята-Духавым кафедральным саборы 25 кастрычніка 2023 года прайшла рабочая сустрэча з галоўнымі ўрачамі сталічных бальніц.

На сустрэчы прысутнічалі першы намеснік старшыні Камітэта па ахове здароўя Мінгарвыканкама Павел Удот, выконваючы абавязкі старшыні Сінадальнага аддзела па царкоўнай дабрачыннасці і сацыяльным служэнні Беларускай Праваслаўнай Царквы іерэй Раман Арцёмаў, супрацоўнікі аддзела, святары, каардынатар-кіраўнік Асацыяцыі сястрыцтваў міласэрнасці Беларускай Праваслаўнай Царквы манахіня Анфіса (Астапчук).

Садзейнічанне ў арганізацыі мерапрыемства аказала Брацтва ў гонар святога апостала Іаана Багаслова Мінскай епархіі БПЦ.

Сінадальны аддзел па царкоўнай дабрачыннасці і сацыяльным служэнні Беларускай Праваслаўнай Царквы прэзентаваў асноўныя спосабы і формы ўзаемадзеяння, а таксама аказання духоўнай дапамогі ва ўстановах аховы здароўя. Былі абмеркаваны праблемныя пытанні дадзенай дзейнасці. Не засталіся без увагі і перспектывы, якія адкрываюцца ў сферы падобнага супрацоўніцтва.

Перад сустрэчай для запрошаных гасцей была праведзена экскурсія па Мінскім Свята-Духаве кафедральным саборы.

Church.by

Чытайце нас у мэсэнджэрах Telegram і Viber, 

сацсетках Instagram, ВКонтакте, 

Facebook і Одноклассники,

глядзіце ў YouTube і TikTok

Фотарэпартаж