Пошук

Выйшла кніга прафесара іерэя Гардзея Шчаглова «Платон Гаручка. Біябібліяграфічны нарыс»

13 красавіка 2017

 

У выдавецтве Мінскай духоўнай акадэміі выйшла новая кніга прафесара іерэя Гардзея Шчаглова «Платон Гаручка. Біябібліяграфічны нарыс».

 

У пачатку XX стагоддзя Платон Гаручка ўнёс даволі прыкметны ўклад у распрацоўку царкоўнай гісторыі Беларусі. Яго пяру належаць дзесяткі публікацый, прысвечаных, галоўным чынам, гісторыі Магілёўскай епархіі, а таксама ўз'яднання беларускіх уніятаў канца XVIII — пачатку XIX стагоддзяў.

 

Працы гісторыка не страцілі актуальнасці і да цяперашняга часу: да іх нярэдка звяртаюцца сучасныя даследчыкі. Паміж тым, аб самім Гаручку амаль нічога не было вядома: дзе і калі нарадзіўся, дзе жыў, чым займаўся акрамя даследчай працы і г. д. Таму рэканструяваць біяграфію гісторыка прыйшлося, што называецца, з нуля, збіраючы звесткі аб ім літаральна па крупінках. Вынікам гэтай працы стаў прапанаваны чытачу біябібліяграфічны нарыс, які прадстаўляе спробу хаця б у агульных рысах акрэсліць жыццёвы шлях і працы гісторыка.

 

МінДС / Church.by