У Мінскай духоўнай акадэміі адбудзецца выстаўка «Сэрца мілуючае», прысвечаная 85-годдзю мітрапаліта Філарэта

У Мінскай духоўнай акадэміі з 15 снежня па 31 студзеня пройдзе выстава «Сэрца мілуючае», прысвечаная 85-годдзю з дня нараджэння, 55-годдзю архіерэйскай хіратоніі і 45-годдзю ўзвядзення ў сан мітрапаліта Філарэта (Вахрамеева), Ганаровага Патрыяршага Экзарха ўсяе Беларусі. Адкрыццё выставы з прычыны складанай эпідэмічнай сітуацыі пройдзе ў закрытым фармаце 15 снежня а 15:00. Плануецца, што мерапрыемства ўзначаліць мітрапаліт Мінскі і Заслаўскі Веніямін, Патрыяршы Экзарх усяе Беларусі.

У серыі «Падручнік бакалаўра тэалогіі» выйшла кніга Аляксандра Слесарава «Расколазнаўства»

Выдавецкі дом «Пазнанне» (Масква) сумесна з Агульнацаркоўнай аспірантурай і дактарантурай імя святых Кірыла і Мяфодзія выпусціў кнігу прарэктара па навуковай рабоце Мінскіх духоўных акадэміі і семінарыі дацэнта Аляксандра Слесарава «Расколазнаўства. Увядзенне ў паняційны апарат».

Патрыяршы Экзарх прыняў удзел у святкаванні стагоддзя БНТУ

10 снежня мітрапаліт Мінскі і Заслаўскі Веніямін, Патрыяршы экзарх усяе Беларусі, у якасці ганаровага госця прыняў удзел ва ўрачыстым сходзе, прымеркаваным да святкавання стагоддзя Беларускага нацыянальнага тэхнічнага ўніверсітэта.

Напярэдадні свята Лагойскай іконы Божай Маці мітрапаліт Веніямін здзейсніў усяночнае трыванне ў храме ў гонар свяціцеля Мікалая Цудатворца горада Лагойска

9 снежня, напярэдадні дня ўшанавання Лагойскай іконы Прасвятой Багародзіцы «Знаменне», мітрапаліт Мінскі і Заслаўскі Веніямін здзейсніў усяночнае трыванне ў храме ў гонар свяціцеля Мікалая Цудатворца горада Лагойска.

У Мінскай духоўнай семінарыі адбыліся XIII Чытанні памяці мітрапаліта Іосіфа (Сямашкі)

7 снежня ў Мінскай духоўнай семінарыі адбыліся XIII Чытанні памяці мітрапаліта Літоўскага і Віленскага Іосіфа (Сямашкі; 1798 -1868) і ўсіх яго паплечнікаў, папрацаваўшых у справе ўз'яднання беларускіх уніятаў з Маці-Царквой.