Напярэдадні святкавання Вынясення Пачэсных Дрэў Жыватворнага Крыжа Гасподняга мітрапаліт Веніямін здзейсніў вячэрняе богаслужэнне ў Свята-Духавым кафедральным саборы горада Мінска

13 жніўня 2021 года, напярэдадні святкавання Вынясення Пачэсных Дрэў Жыватворнага Крыжа Гасподняга, святкавання Усямiласцiваму Спасі­целю i Прасвятой Багародзiцы, а таксама дня памяці сямі мучанікаў Макавеяў, маці іх Саламаніі і настаўніка іх Елеазара, мітрапаліт Мінскі і Заслаўскі Веніямін, Патрыяршы Экзарх усяе Беларусі, здзейсніў вячэрняе богаслужэнне з вынасам Крыжа Гасподняга ў Свята-Духавым кафедральным саборы горада Мінска.

Здзейснена Бажэственная літургія ў адселенай вёсцы Белая Сарока, якая знаходзіцца ў 11 км ад Чарнобыльскай АЭС

Стараннямі неабыякавых да гісторыі і тых жыхароў Нараўлянскага раёна, хто любіць свяціцеля Мікалая, пры дапамозе кіраўніцтва і работнікаў Палескага дзяржаўнага радыяцыйна-экалагічнага запаведніка на месцы прастола былога Нікольскага храма быў усталяваны паклонны крыж з абразом свяціцеля Мікалая Цудатворца і адкрыта капліца.

У дзень памяці свяшчэннамучаніка Веніяміна, мітрапаліта Петраградскага, Патрыяршы Экзарх здзейсніў Бажэственную літургію ў Свята-Духавым кафедральным саборы горада Мінска

У дзень памяці свяшчэннамучаніка Веніяміна, мітрапаліта Петраградскага, мітрапаліт Мінскі і Заслаўскі Веніямін, Патрыяршы Экзарх усяе Беларусі, у саслужэнні архіепіскапа Навагрудскага і Слонімскага Гурыя, архіепіскапа Магілёўскага і Мсціслаўскага Сафронія, архіепіскапа Брэсцкага і Кобрынскага Іаана, епіскапа Маладзечанскага і Стаўбцоўскага Паўла, епіскапа Гродзенскага і Ваўкавыскага Антонія, епіскапа Лідскага і Смаргонскага Парфірыя здзейсніў Бажэственную літургію ў Свята-Духавым кафедральным саборы горада Мінска.

Віншавальны адрас членаў Сінода Беларускай Праваслаўнай Царквы мітрапаліту Мінскаму і Заслаўскаму Веніяміну, Патрыяршаму Экзарху ўсяе Беларусі, з днём тэзаімянін

«У гэты ўрачысты дзень мы ўзносім свае гарачыя малітвы да Госпада аб дараванні Вам цялесных і духоўных сіл, благадатнай дапамогі звыш і поспеху ў працы на карысць Беларускай Царквы і яе паствы» — гаворыцца ў віншаванні.

Прадстаяцель Рускай Праваслаўнай Царквы павіншаваў Патрыяршага Экзарха ўсяе Беларусі з днём тэзаімянінаў

Свяцейшы Патрыярх Маскоўскі і ўсяе Русі Кірыл накіраваў мітрапаліту Мінскаму і Заслаўскаму Веніяміну, Патрыяршаму Экзарху ўсяе Беларусі, віншаванне з днём тэзаімянінаў.