Пошук

Епіскап Друцкі Яўсевій, вікарый Віцебскай епархіі, здзейсніў чын асвячэння Петра-Паўлаўскага храма ў вёсцы Браздзеччына Аршанскага раёна

10 кастрычніка 2023

7 кастрычніка 2023 года, у суботу 18-га тыдня пасля Пяцідзесятніцы, дзень памяці першамучаніцы роўнаапостальнай Феклы Іканійскай, епіскап Друцкі Яўсевій, вікарый Віцебскай епархіі, здзейсніў чын асвячэння храма святых першавярхоўных апосталаў Пятра і Паўла ў вёсцы Браздзеччына Аршанскага раёна, а затым узначаліў у новаасвячоным храме Бажэственную літургію.

Яго Праасвяшчэнству саслужылі настаяцель храма іерэй Аляксандр Жалязоўскі і іерэй Сергій Вараб'ёў.

Дыяканскі чын узначаліў дыякан Ілья Пескавой.

Богаслужэбныя спевы выканаў хор пад кіраваннем Вольгі Осіпавай.

Пасля патроенай екценні Яго Праасвяшчэнства ўзнёс малітву аб аднаўленні міру.

Па заканчэнні Бажэственнай літургіі было здзейснена слаўленне святым храма.

Затым уладыка Яўсевій звярнуўся да тых, хто маліўся, са словамі прывітання і настаўлення, павіншаваў усіх з асвячэннем храма і падаў вернікам архіпастырскае благаславенне.

* * *

Свята-Петрапаўлаўская царква ў вёсцы  Браздзеччына пабудавана ў 1875 г. У сувязі з ганеннямі на хрысціянскую веру ў 20-я гг. ХХ ст. зачынена. Падчас вайны сіламі прыхода і настаяцеля храм быў адбудаваны, аднавіліся службы. У 50-я гг. царкву зноў зачынілі, будынак яе выкарыстоўваўся як склад для ядахімікатаў, збожжа, цэменту і электраабсталявання. Паступова будынак разбураўся. У царкоўным будынку была арганізавана школа, пазней яго перабудавалі пад адміністрацыйны будынак. Памяшканне нядзельнай школы аддалі пад жылы дом. У 1992 г. пачалася рэстаўрацыя храма, былі ўсталяваны купалы. 10 студзеня 1993 г. зарэгістравана абшчына. 4 снежня 1996 г. на свята Увядзення ў храм Прасвятой Багародзіцы ў храме праведзена першая пасля рамонту царкоўная служба.

Віцебская епархія/Church.by

Чытайце нас у мэсэнджэрах Telegram і Viber, 

сацсетках Instagram, ВКонтакте, 

Facebook і Одноклассники,

глядзіце ў YouTube і TikTok