Пошук

Выдавецтва Мінскай духоўнай семінарыі выпусціла кнігу пра святара Канстанціна Пракаповіча — ахвяру паўстання 1863 года

02 кастрычніка 2023

У выдавецтве Мінскай духоўнай семінарыі выйшла новая кніга прафесара іерэя Гардзея Шчаглова, доктара царкоўнай гісторыі. Выданне прысвечана памяці святара Канстанціна Пракаповіча, забітага падчас паўстання 1863 года. У кнізе па магчымасці максімальна поўна прадстаўлены яго біяграфія і абставіны смерці. Далей разглядаюцца лёсы членаў яго сям'і, і затым апавядаецца пра тое, як захоўваецца памяць пря іерэя-пакутніка.

Выданне адрасавана гісторыкам, краязнаўцам, выкладчыкам духоўных і свецкіх навучальных устаноў, студэнтам, навучэнцам, а таксама ўсім, хто цікавіцца пытаннямі беларускай канфесійнай гісторыі.

Рэкамендавана да публікацыі Вучонай радай Мінскай духоўнай семінарыі.

Навуковыя рэцэнзенты: протаіерэй Віктар Васілевіч, рэктар Мінскай духоўнай семінарыі, кандыдат багаслоўя; протадыякан Павел Бубноў, выкладчык Мінскай духоўнай семінарыі, кандыдат багаслоўя.

МінДС/Church.by

Чытайце нас у мэсэнджэрах Telegram і Viber, 

сацсетках Instagram, ВКонтакте і Facebook,

глядзіце ў YouTube і TikTok