Споўнілася 140 гадоў з дня асвячэння Мікалаеўскага гарнізоннага храма ў Брэсце

22 мая, у свята перанясення мошчаў свяціцеля Мікалая з Мір Лікійскіх у Бары, гарнізонны храм свяціцеля Мікалая Цудатворца ў Брэсцкай крэпасці адсвяткаваў 140-годдзе з дня асвячэння. Святочную Бажэственную літургію ўзначаліў архіепіскап Брэсцкі і Кобрынскі Іаан.

У Мінску праходзяць XXIII Міжнародныя Кірыла-Мяфодзіеўскія чытанні

22 мая ў канферэнц-зале Нацыянальнай бібліятэкі Беларусі адбылося ўрачыстае адкрыццё XXIII Міжнародных Кірыла-Мяфодзіеўскіх чытанняў, прысвечаных 500-годдзю беларускага і ўсходнеславянскага кнігадрукавання. Удзел у адкрыцці чытанняў прыняў мітрапаліт Мінскі і Заслаўскі Павел, Патрыяршы Экзарх усяе Беларусі.

31 мая ў аграгарадку Карма адбудуцца ўрачыстасці з нагоды 180-годдзя з дня нараджэння і 100-годдзя з дня блажэннага скону праведнага Іаана Кармянскага

Пачнуцца мерапрыемствы ў 9:40 святочным богаслужэннем, якое здзейсніць мітрапаліт Мінскі і Заслаўскі Павел, Патрыяршы Экзарх усяе Беларусі, у саслужэнні сабору архіерэяў з Беларусі і краін блізкага замежжа. Прамая трансляцыя богаслужэння будзе ажыццяўляцца на тэлеканале «Саюз», а таксама на сайтах Гомельскай епархіі і Беларускага Экзархату.

У Віцебску прайшла дабрачынная акцыя «белая кветка»

На Успенскай плошчы горада Віцебска адбылася другая дабрачынная акцыя «Белая кветка». Сродкі, сабраныя ў ходзе мерапрыемства, будуць накіраваны на лячэнне маленькіх жыхароў Віцебска: Інэсы Каланіцкай, Марыі Пузанавай, Святагора Хлопцава і Аніты Іванавай.

Праваслаўныя братчыкі і сёстры міласэрнасці прынялі ўдзел у рэканструкцыі баявых дзеянняў часоў Вялікай Айчыннай вайны

Інсцэніроўка баявых дзеянняў часоў Вялікай Айчыннай вайны адбылася ў майскія дні ў Рэспубліканскім клінічным шпіталі інвалідаў Вялікай Айчыннай вайны імя П. М. Машэрава.

У Барысаўскай епархіі стварылі выязны вусны часопіс «Благовест»

На працягу сакавіка — мая супрацоўнікі цэнтральнай раённай бібліятэкі, святары благачыння наведалі 15 населеных пунктаў, выступілі ў школах і сельскіх бібліятэках, распавядаючы пра значэнне праваслаўнай кнігі для духоўнага развіцця чалавека, аб жыцці і асветніцкай дзейнасці Францыска Скарыны, гісторыі Праваслаўя на Барысаўшчыне.

Пасля двухгадовага аб'езду гарадоў Беларусі і Расіі ў Магілёў вярнулася выстава «Венцаносная сям'я. Шлях любві»

На выставе прадстаўлены матэрыялы са збораў музеяў і прыватных калекцый, якія знаходзяцца ў Маскве, Санкт-Пецярбургу, Царскім Сяле, Лівадыі, Залатавусце, Магілёве, Дзяржаўным архіве Расійскай Федэрацыі, фондзе мастака Паўла Рыжэнка.

У дзень памяці свяціцеля Мікалая Цудатворца Патрыяршы Экзарх здзейсніў Літургію ў Нікольскім храме пасёлка Прывольны

22 мая, у панядзелак 6-й сядміцы пасля Вялікадня, дзень памяці перанясення мошчаў свяціцеля Мікалая Цудатворца з Мір Лікійскіх у Бары, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў Бажэственную літургію ў Нікольскім храме пасёлка Прывольны Мінскага раёна.

Напярэдадні дня памяці свяціцеля Мікалая Цудатворца, мітрапаліт Павел здзейсніў усяночнае трыванне ў Нікольскім храме мікрараёна Сокал горада Мінска

21 мая, напярэдадні дня памяці перанясення мошчаў свяціцеля і Цудатворца Мікалая з Мір Лікійскіх у Бары, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў усяночнае трыванне ў Нікольскім храме мікрараёна Сокал горада Мінска.

У Нядзелю пра сляпога адбылася сустрэча Патрыяршага Экзарха са сляпымі і слабавідушчымі людзьмі

21 мая, у Нядзелю 6-ю пасля Пасхі, пра сляпога, у Свята-Духавым кафедральным саборы горада Мінска пасля нядзельнай Бажэственнай літургіі адбылася сустрэча мітрапаліта Мінскага і Заслаўскага Паўла, Патрыяршага Экзарха ўсяе Беларусі, з членамі Мінскай абласной арганізацыі грамадскага аб'яднання «Беларускае таварыства інвалідаў па зроку» (БелТІЗ).

У Нядзелю пра сляпога мітрапаліт Павел здзейсніў Літургію ў Свята-Духавым кафедральным саборы горада Мінска

21 мая, у Нядзелю 6-ю пасля Пасхі, пра сляпога, дзень памяці святога апостала і евангеліста Іаана Багаслова, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў Бажэственную літургію ў Свята-Духавым кафедральным саборы горада Мінска.

У Жыровічах адбыўся музычны фестываль «Жыровіцкі фэст»

28 выканаўцаў і калектываў прынялі ўдзел у святочным выступленні. Сваімі талентамі артысты — прафесіяналы і аматары — славілі Маці Божую на свята Яе Жыровіцкай іконы.

У Гомельскай і Тураўскай епархіях завяршылася аб'яднаная алімпіяда па асновах праваслаўнай культуры

У Гомельскай і Тураўскай епархіях завяршылася абласная алімпіяда па асновах праваслаўнай культуры, першы раённы этап якой праходзіў ва ўсіх раёнах Гомельскай вобласці з сакавіка па красавік.

Епіскап Бабруйскі і Быхаўскі Серафім узяў удзел у адкрыцці выставы «Класіка беларускага жывапісу» ў Бабруйскім мастацкім музеі

Аснову выставы «Класіка беларускага жывапісу» склалі творы беларускіх жывапісцаў з фондаў Нацыянальнага мастацкага музея Рэспублікі Беларусь. Тут можна пазнаёміцца з палотнамі выдатных майстроў, прасачыць асаблівасці развіцця айчыннага мастацтва з 19-га па 21-й стагоддзе.

У Віцебску адбыліся V Кірыла-Мяфодзіеўскія адукацыйныя чытанні маладых даследчыкаў

Усяго ў чытаннях прынялі ўдзел больш за 150 чалавек: навучэнцы ўстаноў адукацыі ва ўзросце ад 14 да 22 гадоў, выкладчыкі вышэйшых і сярэдніх навучальных устаноў, навуковыя кіраўнікі выступоўцаў, святары, работнікі адукацыі і культуры, студэнты, прадстаўнікі грамадскасці.