У Нядзелю 16-ю пасля Пяцідзесятніцы Патрыяршы Экзарх усяе Беларусі здзейсніў Бажэственную літургію ў храме-помніку Усіх Святых горада Мінска

10 кастрычніка, у Нядзелю 16-ю пасля Пяцідзесятніцы, дзень памяці свяшчэннамучаніка Пятра, мітрапаліта Круціцкага, мітрапаліт Мінскі і Заслаўскі Веніямін, Патрыяршы Экзарх усяе Беларусі, здзейсніў Бажэственную літургію ў храме-помніку Усіх Святых горада Мінска.

Сінадальны місіянерскі аддзел БПЦ распрацаваў камплект праваслаўных настольных гульняў для сям'і і школы

8 кастрычніка 2021 года ў горадзе Мінску ў рамках інтэнсіў-семінара «Актуальныя трэнды сямейна-дэмаграфічнага развіцця: прычынна-выніковыя сувязі» адбылася прэзентацыя праваслаўных настольных гульняў для сям'і і школы.

Мітрапаліт Веніямін здзейсніў адпяванне свяшчэннаслужыцеля Барысаўскай епархіі іерэя Алега Запрудскага

9 кастрычніка 2021 года мітрапаліт Мінскі і Заслаўскі Веніямін, Патрыяршы Экзарх усяе Беларусі, кіраўнік Барысаўскай епархіі, здзейсніў адпяванне святара Барысаўскай епархіі іерэя Алега Запрудскага.

Епіскап Лідскі і Смаргонскі Парфірый пагутарыў з дзесяцікласнікамі Лідскага ліцэя №1

Уладыка расказаў дзецям аб сваім асабістым шляху і пошуку Бога. І, вядома, аб пошуку адказу на галоўнае пытанне — аб сэнсе жыцця.

У выдавецтве Мінскай духоўнай акадэміі выйшла манаграфія па тэорыі біблейскага перакладу

Выдавецтва Мінскай духоўнай акадэміі выпусціла манаграфію іерэя Міхаіла Самкова «Сучасная тэорыя біблейскага перакладу: пастаноўка мэты, герменеўтыка, метадалогія».

Выконваючы абавязкі старшыні Сінадальнага аддзела па справах моладзі БПЦ іерэй Дзмітрый Баўкуновіч прыняў удзел у міжнароднай анлайн-канферэнцыі праваслаўнай моладзі «Адзінства ў Хрысце»

Мэта канферэнцыі заключалася ў абмеркаванні развіцця «Усецаркоўнага праваслаўнага моладзевага руху», развіццё якога было падтрымана падчас пасяджэння Свяшчэннага Сінода Рускай Праваслаўнай Царквы 23-24 верасня 2021 года.

Мітрапаліт Веніямін і старшыня Мінгарвыканкама Уладзімір Кухараў абмеркавалі пытанні захавання санітарна-эпідэмічнага рэжыму ў храмах горада Мінска

Патрыяршы Экзарх адзначыў, што пытанням забеспячэння мер бяспекі і захаванню санітарна-эпідэмічнага рэжыму ў храмах надаецца асаблівая ўвага. І гэтая праца будзе ўзмоцнена. Для тых, хто ў цяперашні час знаходзіцца на лячэнні або праходзіць курс рэабілітацыі на рэгулярнай аснове праводзяцца трансляцыі богаслужэнняў на тэлеканалах «Беларусь 1», «Беларусь 3», YouTube-канале СТВ, афіцыйным YouTube-канале Беларускай Праваслаўнай Царквы.

У Сінадальным аддзеле рэлігійнай адукацыі і катэхізацыі адбыўся практыка-арыентаваны семінар-нарада для педагогаў і кіраўнікоў нядзельных школ Мінскай епархіі

Тэмай семінара стала выкарыстанне квэстаў і дыдактычных гульняў у працэсе навучання ў нядзельнай школе.

У Гродне прайшоў навукова-практычны семінар для настаяцеляў храмаў, якія маюць статус гісторыка-культурных каштоўнасцяў

Ініцыятыва Гродзенскай епархіі ў правядзенні такога мерапрыемства была падтрымана Міністэрствам культуры Рэспублікі Беларусь. Храмы — адзіная катэгорыя аб'ектаў гісторыка-культурнай спадчыны ў нашай краіне, якая захавала першапачатковую функцыю будынкаў, таму неабходна разумна сумясціць захаванне гісторыка-культурнай каштоўнасці і паўсядзённае жыццё прыхода.

Пачаў працу моладзевы багаслоўска-дыскусійны клуб «Анкіра»

Моладзевы багаслоўска-дыскусійны клуб «Анкіра» пры Хрысціянскім адукацыйным цэнтры імя святых Мяфодзія і Кірыла быў адкрыты ў студзені бягучага года па ініцыятыве выпускнікоў і навучэнцаў старэйшых груп нядзельных школ. Да працы клуба могуць далучыцца ўсе жадаючыя.

У нядзелю 15-ю пасля Пяцідзесятніцы мітрапаліт Веніямін здзейсніў Бажэственную літургію ў храме-помніку ў гонар Усіх Святых горада Мінска

3 кастрычніка 2021 года, у Нядзелю 15-ю пасля Пяцідзесятніцы, мітрапаліт Мінскі і Заслаўскі Веніямін, Патрыяршы Экзарх усяе Беларусі, здзейсніў Бажэственную літургію ў храме-помніку ў гонар Усіх Святых горада Мінска.

Свяшчэннаслужыцелі Навагрудскай епархіі і паломнікі здзейснілі хрэсны ход да месца мучаніцкай смерці протаіерэя Мікалая Нядзвецкага

2 кастрычніка 2021 года па благаславенню архіепіскапа Навагрудскага і Слонімскага Гурыя клірыкі Навагрудскага і Карэліцкага благачынняў, а таксама паломнікі, якія прыбылі з Віцебскай, Мінскай і Магілёўскай епархій, здзейснілі хрэсны ход на «Навагрудскую Галгофу — да месца мучаніцкага скону протаіерэя Мікалая Нядзвецкага, па-зверску забітага савецкімі актывістамі ў Сянежынскім лесе ў 1939 годзе.

Напярэдадні 15-й Нядзелі пасля Пяцідзесятніцы мітрапаліт Веніямін здзейсніў усяночнае трыванне ў Лядзенскім мужчынскім манастыры

2 кастрычніка 2021 года, напярэдадні Нядзелі 15-й пасля Пяцідзесятніцы, па Уздзвіжанні, мітрапаліт Мінскі і Заслаўскі Веніямін, Патрыяршы Экзарх усяе Беларусі, здзейсніў усяночнае трыванне ў Благавешчанскім храме Лядзенскага мужчынскага манастыра Благавешчання Прасвятой Багародзіцы ў вёсцы Малыя Ляды Смалявіцкага раёна.

У горадзе Мінску адкрыўся штогадовы праваслаўны фестываль «Радасць»

Фестываль «Радасць» — гэта магчымасць асабіста пагутарыць з людзьмі самых розных прафесій і захапленняў, якіх аб'ядноўвае вера. Тут кажуць пра тое, што хвалюе кожнага. Тэмы сустрэч і гутарак закранаюць пытанні, актуальныя для бацькоў і дзяцей, моладзі і старэйшага пакалення, людзей розных прафесій. Сярод гасцей «Радасці» будуць святары, манахіні, урачы, псіхолагі, мастакі, педагогі. У рамках фестывалю будзе працаваць вялікая выстава-кірмаш, дзе свае вырабы прадставяць манастыры, храмы і рамеснікі з васьмі краін. Тут можна будзе ўбачыць і набыць іконы з каменя і рэдкія кнігі, падарункі і сувеніры, вопратку і экалагічныя прадукты і многае іншае.

Мітрапаліт Веніямін здзейсніў вялікае асвячэнне храма ў гонар свяціцеля Мікалая Цудатворца ў вёсцы Пярэжыр Пухавіцкага раёна

2 кастрычніка 2021 года Патрыяршы Экзарх усяе Беларусі здзейсніў вялікае асвячэнне храма ў гонар свяціцеля Мікалая Цудатворца ў вёсцы Пярэжыр Пухавіцкага раёна, а затым узначаліў у ім Бажэственную літургію.