У прадстаўніцтве Беларускага Экзархату ў Маскве прайшоў Дабрачынны X харавы фестываль «Восеньскае шматгалоссе»

Ахвяраванні, сабраныя падчас правядзення фестывалю, пойдуць на аднаўленне храма вялікамучаніцы Ірыны, пры якім знаходзіцца прадстаўніцтва Беларускага Экзархату ў Маскве.

Мітрапаліт Веніямін здзейсніў чын заснавання капліцы ў гонар іконы Божай Маці «Трохручыца» у горадзе Мінску

Па завяршэнні чыну было падпісана пагадненне паміж Мінскай епархіяй Беларускай Праваслаўнай Царквы і ЗТАА «Дана Астра» аб сумесным будаўніцтве храмавага комплексу на тэрыторыі забудовы «Мінск-Мір».

Архіепіскап Гродзенскі і Ваўкавыскі Антоній узначаліў святкаванне 450-годдзя праваслаўнай парафіяльнай абшчыны ў гарадскім пасёлку Рось

З гісторыяй прыхода звязаны імёны свяшчэннамучаніка Кіпрыяна (Клімуца), які праслужыў на прыходзе некалькі гадоў; святара Іосіфа Скабалановіча, які праслужыў у прыходзе 48 гадоў; протаіерэя Рамана Латоцкага, які акармляў роскую паству 44 гады.

Мітрапаліт Веніямін здзейсніў асвячэнне купалоў і накупальных крыжоў для будуемага храма ў гонар іконы Божай Маці «Ацаліцелька» ў горадзе Слуцку

Па заканчэнні чыну асвячэння мітрапаліт Веніямін звярнуўся да багамольцаў з прывітальным словам, пажадаўшы айцу настаяцелю і абшчыне дапамогі Божай у храмабудаўніцтве. Гутарка архіпастыра, настаяцеля храма і прыхаджан працягнулася за чаяваннем.

Патрыяршы Экзарх здзейсніў асвячэнне храма ў гонар святой праведнай Сафіі, княгіні Слуцкай, у аграгарадку Вялічкавічы Салігорскага раёна

На малым уваходзе мітрапаліт Веніямін абвясціў указ аб узнагароджанні, зважаючы на руплівую працу на карысць Маці-Царквы, настаяцеля прыхода іерэя Сергія Панасіка правам нашэння камілаўкі і нагруднага крыжа залатога колеру.

Напярэдадні Нядзелі 21-й пасля Пяцідзесятніцы мітрапаліт Веніямін здзейсніў усяночнае трыванне ў храме-помніку ў гонар Усіх Святых горада Мінска

13 лістапада 2021 года, напярэдадні Нядзелі 21-й пасля Пяцідзесятніцы мітрапаліт Мінскі і Заслаўскі Веніямін, Патрыяршы Экзарх усяе Беларусі, здзейсніў усяночнае трыванне ў храме-помніку ў гонар Усіх Святых горада Мінска.

Дакументальныя фільмы кінастудыі Свята-Лізавецінскага манастыра горада Мінска ўключаны ў лік намінантаў XIV Міжнароднага кінафестывалю «Соль зямлі» [+спасылкі для прагляду]

Дакументальныя фільмы кінастудыі Свята-Лізавецінскага манастыра горада Мінска ўключаны ў лік намінантаў XIV Міжнароднага кінафестывалю «Соль зямлі», які будзе праходзіць з 17 па 21 лістапада 2021 года ў Самарскай вобласці пры падтрымцы Міністэрства культуры Расіі.

Архіепіскап Магілёўскі і Мсціслаўскі Сафроній павіншаваў выкладчыкаў і студэнтаў Беларуска-Расійскага ўніверсітэта з 60-годдзем ВНУ

12 лістапада 2021 года ў Беларуска-Расійскім універсітэце адбыліся ўрачыстасці ў гонар 60-годдзя ВНУ, удзел у якіх прыняў архіепіскап Магілёўскі і Мсціслаўскі Сафроній.

Праца выставы «Венцаносная Сям'я. Шлях Любові» ў Мастацкім музеі горада Брэста прадоўжана да 7 студзеня 2022 года

Місіянерскі выставачны праект, вядомы таксама як «Царская Сям'я. Узыходжанне», прадстаўлены ў Брэсцкай епархіі па благаславенню архіепіскапа Брэсцкага і Кобрынскага Іаана. Выстава падрыхтавана інфармацыйнай службай Магілёўскай епархіі пры падтрымцы Дзяржаўнага архіва Расійскай Федэрацыі, Дзяржаўнага расійскага архіва кінафотадакументаў, Радыё «ВЕРА», фонду «Гісторыя Айчыны», Цэнтра абароны сям'і, мацярынства і дзяцінства «Пакровы».

У Мінску адбылася нарада, удзельнікі якой абмеркавалі ход правядзення рамонтна-рэстаўрацыйных работ у Свята-Успенскім стаўрапагіяльным мужчынскім манастыры

У нарадзе прынялі ўдзел мітрапаліт Мінскі і Заслаўскі Веніямін, Патрыяршы Экзарх усяе Беларусі, і архіепіскап Навагрудскі і Слонімскі Гурый.

Кіраўнікі вядучых рэлігійных аб'яднанняў Беларусі падрыхтавалі афіцыйны зварот да палітыкаў еўрапейскіх дзяржаў і вернікаў у сувязі міграцыйным крызісам на беларуска-польскай граніцы

12 лістапада 2021 года ў горадзе Мінску адбылася сустрэча з удзелам Упаўнаважанага па справах рэлігій і нацыянальнасцяў Беларусі Аляксандара Румака, мітрапаліта Мінскага і Заслаўскага Веніяміна, Патрыяршага Экзарха ўсяе Беларусі, арцыбіскупа мітрапаліта Мінска-Магілёўскага Рымска-каталіцкай Царквы Іосіфа Станеўскага, муфтыя Мусульманскага рэлігійнага аб'яднання Абу-Бекір Шабановіча, галоўнага рабіна рэлігійнага аб'яднання абшчын прагрэсіўнага іудаізму Рыгора Абрамовіча.

У Гродзенскай епархіі аб'яўлены збор сродкаў для дапамогі мігрантам

Па благаславенню мітрапаліта Мінскага і Заслаўскага Веніяміна, Патрыяршага Экзарха ўсяе Беларусі, у Гродзенскай епархіі арганізаваны збор сродкаў для аказання дапамогі мігрантам.

Бібліятэка Мінскай духоўнай семінарыі атрымала ў дар рэдкія выданні XIX стагоддзя з калекцыі беларускага паэта Алеся Разанава

Бібліятэка духоўнай школы папоўнілася кнігамі «Старажытныя манаскія статуты» (Масква, 1897) і «Катэхізічныя павучанні, якія агульнадаступна растлумачваюць вучэнне Праваслаўнай Царквы аб веры, надзеі, любові» протаіерэя Рыгора Дзячэнкі (Масква, 1898).

Епіскап Лідскі і Смаргонскі Парфірый сустрэўся са старшакласнікамі сярэдняй школы №8 горада Ліды

«Любая памылка, зробленая ў пачатку шляху, можа абярнуцца трагедыяй для многіх людзей, таму так каштоўна для маладога чалавека веданне і трыманне запаведзяў Божых», — адзначыў епіскап Парфірый.

У Віцебску праходзіць выстаўка работ студэнтаў, выпускнікоў і выкладчыкаў іканапіснага аддзялення Віцебскага жаночага духоўнага вучылішча

У экспазіцыі, якая прысвечана 20-годдзю іканапіснай майстэрні, прадстаўлена 40 абразоў. Прадоўжыцца выстава да 30 лістапада.