У Жыровіцкай абіцелі адбыліся святочныя набажэнствы

20 мая Беларуская Праваслаўная Царква адзначыла знакавыя для гісторыі Праваслаўя на беларускіх землях юбілейныя даты: 550-годдзе знойдзення Жыровіцкай іконы Божай Маці, 500-годдзе яе паўторнага цудоўнага аднойдзення і 500-годдзе з часу заснавання Успенскага Жыровіцкага стаўрапігіяльнага мужчынскага манастыра.

Напярэдадні Нядзелі Крыжапаклоннай Патрыяршы Экзарх здзейсніў усяночнае трыванне ў Свята- Духавым кафедральным саборы горада Мінска

21 сакавіка, напярэдадні Нядзелі 3-й Вялікага посту, Крыжапаклоннай, мітрапаліт Мінскі і Заслаўскі Павел, Патрыяршы Экзарх усяе Беларусі, у саслужэнні епіскапаў: Барысаўскага і Мар'інагорскага Веніяміна і Слуцкага і Салігорскага Антонія здзейсніў усяночнае трыванне з вынасам Пачэснага і Жыватворнага Крыжа Гасподняга ў Свята- Духавым кафедральным саборы горада Мінска.

У Барысаўскім епархіяльным упраўленні асвячаны дамавы храм у гонар свяціцеля Савы Сербскага

Асвячэнне прастола і Бажэственную літургію здзейснілі епіскап Барысаўскі і Мар'інагорскі Веніямін і епіскап Маравіцкі Антоній (Сербская Праваслаўная Царква). На набажэнстве прысутнічаў Пасол Сербіі ў Беларусі Велька Ковачавіч.

У Барысаве адбыліся ўрачыстасці з нагоды 5-годдзя Барысаўскай епархіі

Архіепіскап Брэсцкі і Кобрынскі Іаан, епіскап Барысаўскі і Мар'інагорскі Веніямін, епіскап Маладзечанскі і Стаўбцоўскі Павел здзейснілі Бажэственную літургію ў кафедральным саборы Уваскрасення Хрыстовага горада Барысава.

Архімандрыт Амвросій (Шаўцоў) хіратанісаны ў епіскапа Светлагорскага, вікарыя Гомельскай епархіі

6 кастрычніка, у Нядзелю 16-ю пасля Пяцідзесятніцы, дзень праслаўлення свяціцеля Інакенція, мітрапаліта Маскоўскага (1977), Свяцейшы Патрыярх Маскоўскі і ўсяе Русі Кірыл узначаліў служэнне Бажэственнай літургіі ў кафедральным саборным Храме Хрыста Спасіцеля ў Маскве, за якой была здзейснена хіратонія архімандрыта Амвросія (Шаўцова) у епіскапа Светлагорскага, вікарыя Гомельскай епархіі (Беларускі Экзархат).

У Мінскай духоўнай акадэміі пачаўся новы навучальны год

1 верасня ў Свята-Духавым кафедральным саборы сталіцы адбыўся ўрачысты малебен з нагоды пачатку новага навучальнага года, а 3 верасня ў акадэміі прайшло пасяджэнне Вучонага савета.

Урачыстасці ў гонар абраза Божай Маці «Усецарыца» адбыліся ў старажытным храме ў Сынкавічах

Бажэственную літургію ў храме Архістратыга Міхаіла здзейснілі архіепіскап Гродзенскі і Ваўкавыскі Арцемій і епіскап Барысаўскі і Мар'інагорскі Веніямін. Шэраг спеваў, якія праслаўляюць Царыцу Нябесную, быў выкананы на беларускай мове.

Стартавала XXVI навукова-асветніцкая экспедыцыя «Дарога да святыняў»

Раніцай 28 жніўня, у свята Успення Прасвятой Багародзіцы, са Свята-Духава кафедральнага сабора горада Мінска выправілася ў шлях XXVI навукова-асветніцкая экспедыцыя «Дарога да святыняў». Канчатковым пунктам экспедыцыі стане Слонім, дзе 1 верасня адбудзецца маштабнае святкаванне Дня беларускага пісьменства.

У свята Мінскай іконы Божай Маці мітрапаліт Павел узначаліў Літургію ў Свята-Духавым кафедральным саборы горада Мінска

26 жніўня, у панядзелак сядміцы 11-й пасля Пяцідзесятніцы, дзень свята яўлення Мінскай іконы Божай Маці і адданне свята Праабражэння Гасподняга, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў Бажэственную літургію ў Свята-Духавым кафедральным саборы горада Мінска.

У Лядзенскім манастыры адбыліся ўрачыстасці з нагоды 25-годдзя адраджэння абіцелі

11 жніўня, у Нядзелю 8-ю пасля Пяцідзесятніцы, архіепіскап Магілёўскі і Мсціслаўскі Сафроній, епіскап Барысаўскі і Мар'інагорскі Веніямін, епіскап Лідскі і Смаргонскі Парфірый здзейснілі Бажэственную літургію ў мужчынскім манастыры ў гонар Благавешчання Прасвятой Багародзіцы ў вёсцы Малыя Ляды Смалявіцкага раёна.

Напярэдадні Дня памяці апосталаў Пятра і Паўла Патрыяршы Экзарх здзейсніў усяночнае трыванне ў Петра-Паўлаўскім саборы горада Мінска

11 ліпеня, напярэдадні дня памяці святых слаўных і ўсяхвальных першавярхоўных апосталаў Пятра і Паўла, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў усяночнае трыванне ў Петра-Паўлаўскім саборы горада Мінска.

Патрыяршы Экзарх узначаліў урачыстасці ў гонар Мар'інагорскай іконы Прасвятой Багародзіцы

27 чэрвеня, у чацвер 2-й сядміцы пасля Пяцідзесятніцы, у дзень святкавання Мар'інагорскай іконы Божай Маці, мітрапаліт Мінскі і Заслаўскі Павел, Патрыяршы Экзарх усяе Беларусі, узначаліў Бажэственную літургію ў Аляксандра-Неўскім саборы горада Мар'іна Горка Мінскай вобласці.

На возеры Сялява адбыўся злёт праваслаўнай моладзі

Епіскап Барысаўскі і Мар'інагорскі Веніямін здзейсніў перад пачаткам злёту Літургію пад адкрытым небам, а затым пагутарыў з моладдзю аб хрысціянскім жыцці ва ўмовах сучаснага грамадства.

У свята Святога Духа Патрыяршы Экзарх узначаліў Літургію ў Свята-Духавым кафедральным саборы горада Мінска

Уладыку Экзарху саслужылі: епіскап Барысаўскі і Мар'інагорскі Веніямін, епіскап Маладзечанскі і Стаўбцоўскі Павел, епіскап Бараўлянскі Ігнацій, вікарый Мінскай епархіі.

Дзень памяці святых Мяфодзія і Кірыла і Дзень славянскага пісьменства і культуры ўрачыста адзначылі ў Мінску

Традыцыйныя ўрачыстасці ў гонар дня памяці роўнаапостальных Мяфодзія і Кірыла і Дня славянскага пісьменства і культуры адбыліся ў гістарычным цэнтры Мінска 24 мая.