Сінод Беларускай Праваслаўнай Царквы зацвердзіў манахіню Ксенію (Сакалову) на пасадзе настаяцелькі Свята-Духава жаночага манастыра горада Віцебска

Рашэннем Сінода Беларускай Праваслаўнай Царквы манахіня Ксенія (Сакалова Ніна Міхайлаўна) зацверджана на пасадзе настаяцелькі Свята-Духава жаночага манастыра горада Віцебска Віцебскай епархіі Беларускай Праваслаўнай Царквы (журнал №82 ад 7 верасня 2021 года). Час і месца ўзвядзення манахіні Ксеніі (Сакаловай) ў сан ігуменні пакінута на меркаванне Праасвяшчэннага архіепіскапа Віцебскага і Аршанскага Дзімітрыя.

Старшынёй Сінадальнага аддзела рэлігійнай адукацыі і катэхізацыі Беларускай Праваслаўнай Царквы прызначаны іерэй Сцяфан Варапай

Рашэннем Сінода Беларускай Праваслаўнай Царквы ад 7 верасня 2021 года (журнал №84) старшынёй Сінадальнага аддзела рэлігійнай адукацыі і катэхізацыі Беларускай Праваслаўнай Царквы прызначаны іерэй Сцяфан Варапай, клірык прыхода храма свяшчэннамучаніка Уладзіміра Хіраскі ў горадзе Мінску.

Рашэннем Сінода БПЦ утвораны арганізацыйны камітэт па падрыхтоўцы да святкавання 1030-годдзя Праваслаўя на Беларускіх землях, якое будзе адзначацца ў 2022 годзе

Узначаліў камітэт мітрапаліт Мінскі і Заслаўскі Веніямін, Патрыяршы Экзарх усяе Беларусі.

Зацверджаны журналы Сінода Беларускага Экзархату ад 7 верасня 2021 года

На пасяджэнні Свяшчэннага Сінода Рускай Праваслаўнай Царквы, які праходзіў 23-24 верасня 2021 года ў Маскве пад старшынствам Свяцейшага Патрыярха Маскоўскага і ўсяе Русі Кірыла, зацверджаны журналы Сінода Беларускага Экзархату ад 7 верасня 2021 года.

У саборным доме пры Свята-Духавым кафедральным саборы горада Мінска пройдзе сустрэча з архімандрытам Савай (Мажукам) на тэму «Царква — гэта сяброўства»

«Царква — гэта сяброўства» — такая формула царкоўнага жыцця, знойдзеная, правераная і агучаная ў сяброўскім гуртку рускіх філосафаў і багасловаў пачатку XX стагоддзя. Так казаў пра Царкву ў лістах духоўным дзецям а. Сергій Булгакаў, спасылаючыся на свайго сябра а. Паўла Фларэнскага, вучнем якога быў Сяргей Іосіфавіч Фудзель, які пакінуў у спадчыну сваім чытачам як запаведзь і арыенцір: «Царква ёсць непазбежнасць Боскай дружбы вучняў Хрыстовых». Як рускія мысляры прыйшлі да такой формулы? Чым яе правяралі? Чаму яна не страціла сваёй актуальнасці для хрысціян XXI стагоддзя? Пра гэта ў лекцыі айца Савы (Мажукі).

Моладзь Полацкай епархіі прыняла ўдзел у другім этапе міжнароднага праекта «Расія і Беларусь — дыялог без граніц»

Дэлегацыя моладзі Полацкай епархіі прыняла ўдзел у другім этапе міжнароднага праекта «Расія і Беларусь — дыялог без граніц» — моладзевым злёце «Наша будучыня» ў г. Судагда Уладзімірскай вобласці.

Мітрапаліт Веніямін прыняў удзел у чарговым пасяджэнні Свяшчэннага Сінода Рускай Праваслаўнай Царквы

23-24 верасня 2021 года ў Троннай зале Патрыяршай і Сінадальнай рэзідэнцыі ў Данілавым манастыры ў Маскве пад старшынствам Свяцейшага Патрыярха Маскоўскага і ўсяе Русі Кірыла адбылося пасяджэнне Свяшчэннага Сінода Рускай Праваслаўнай Царквы.

Мітрапаліт Веніямін заклікаў да ўзмацнення малітваў аб ацаленні хворых і ўмацаванні сіл ўсіх тых, хто змагаецца з каронавіруснай інфекцыіяй

Памятаючы пра неабходнасць малітвы і пакаяння, якія асабліва важныя ў часы выпрабаванняў, будзем разважлівыя ў сваім штодзённым жыцці і ўважлівыя да людзей, якія нас атачаюць. Цвёрда веруючы ва ўсёмагутную дапамогу Божую, будзем памятаць і аб адказнасці, якая ляжыць на нас перад Богам не толькі за сябе, але і за нашых блізкіх.

Дырэктар дабрачыннага фонду падтрымкі сям'і, мацярынства і дзяцінства «Пакроў» Наталля Ярашэвіч: «Сям'я — гэта галоўная каштоўнасць мінулага, сучаснасці і будучыні. І ў нашых руках зрабіць усё магчымае, каб захаваць гэтую каштоўнасць»

У ходзе круглага стала «Умацаванне сямейных каштоўнасцяў у інфармацыйнай прасторы. Вопыт экспертнай ацэнкі» Наталля Ярашэвіч адзначыла, што велізарную ролю ў выхаванні пакаленняў адыгрывае інфармацыйная прастора, якой сучасны чалавек агорнуты з усіх бакоў. Пры гэтым пераважная доля кантэнту, асабліва ў сетцы Інтэрнэт, у сваёй аснове мае дэструктыўны пасыл і зусім не накіраваны на транслираванне святасці мацярынства, бацькоўства і дзяцінства.

Старшыня Сінадальнага аддзела па пытаннях сям'і, абароны мацярынства і дзяцінства БПЦ протаіерэй Павел Сярдзюк: «Медыяпрастора дае выключныя магчымасці для фарміравання і ўмацавання сямейных каштоўнасцяў» [+відэа]

У ходзе круглага стала «Умацаванне сямейных каштоўнасцяў у інфармацыйнай прасторы. Вопыт экспертнай ацэнкі» старшыня Сінадальнага аддзела па пытаннях сям'і, абароны мацярынства і дзяцінства БПЦ выказаў меркаванне, што для паляпшэння работы па прасоўванні сямейных каштоўнасцяў у медыяпрасторы патрэбна агульная праграма дзеянняў дзяржавы, Царквы і грамадскіх арганізацый.

Старшыня Сінадальнага інфармацыйнага аддзела БПЦ іерэй Ігар Васько: «Калі ў СМІ ідзе гаворка пра сям'ю, у першую чаргу трэба звяртаць увагу на станоўчыя прыклады» [+відэа]

22 верасня 2021 года ў прэс-цэнтры Дома прэсы адбыўся круглы стол на тэму: «Умацаванне сямейных каштоўнасцяў у інфармацыйнай прасторы. Вопыт экспертнай ацэнкі».

У Тураве адсвяткавалі традыцыйны «Дзень вянчання на святой Тураўскай зямлі»

Чатыры шлюбныя пары вырашылі ў гэты дзень спалучыцца царкоўным шлюбам у кафедральным саборы старажытнага горада Турава. Таінства здзейсніў епіскап Тураўскі і Мазырскі Леанід.

Указам Свяцейшага Патрыярха Маскоўскага і ўсяе Русі Кірыла епіскап Гродзенскі і Ваўкавыскі Антоній узведзены ў сан архіепіскапа [абноўлена]

У свята Нараджэння Прасвятой Багародзіцы епіскап Гродзенскі і Ваўкавыскі Антоній саслужыў прадстаяцелю Рускай Царквы за Літургіяй у Храме Хрыста Спасіцеля ў Маскве.

У свята Нараджэння Прасвятой Багародзіцы мітрапаліт Веніямін узначаліў прастольную ўрачыстасць у аднайменным храме вёскі Тарасава Мінскага раёна

21 верасня 2021 года, у свята Нараджэння Прасвятой Уладычыцы нашай Багародзіцы і Вечнадзевы Марыі, мітрапаліт Мінскі і Заслаўскі Веніямін, Патрыяршы Экзарх усяе Беларусі, узначаліў прастольную ўрачыстасць у аднайменным храме вёскі Тарасава Мінскага раёна.

Напярэдадні свята Нараджэння Прасвятой Багародзіцы епіскап Гродзенскі і Ваўкавыскі Антоній здзейсніў усяночнае трыванне ў храме велікамучаніцы Ірыны ў горадзе Маскве

20 верасня 2021 года, напярэдадні свята Нараджэння Прасвятой Уладычыцы нашай Багародзіцы і Вечнадзевы Марыі, епіскап Гродзенскі і Ваўкавыскі Антоній здзейсніў усяночнае трыванне ў храме велікамучаніцы Ірыны Патрыяршага падвор'я ў Пакроўскім горада Масквы, дзе размяшчаецца Прадстаўніцтва Беларускага Экзархату.