У Мінскай духоўнай семінарыі завяршылася праца іканапіснага курса

Курс правяла выкладчык іканапісання Мінскай духоўнай семінарыі Вольга Анатольеўна Раеўская. Дванаццаць удзельнікаў прыбылі з Мінска, Віцебска, Пінска, Барысава і Магілёва і Масквы.

Патрыяршы Экзарх здзейсніў чын вялікага асвячэння храма святых праведнай княгіні Сафіі і мучаніка немаўляці Гаўрыіла Слуцкіх у аграгарадку Гацук у Слуцкім раёне

22 жніўня 2021 года, у Нядзелю 9-ю пасля Пяцідзесятніцы, мітрапаліт Мінскі і Заслаўскі Веніямін, Патрыяршы Экзарх усяе Беларусі, кіраўнік Слуцкай епархіі, здзейсніў чын вялікага асвячэння храма святых праведнай княгіні Сафіі і мучаніка немаўляці Гаўрыіла Слуцкіх у аграгарадку Гацук у Слуцкім раёне.

У Сінадальным аддзеле рэлігійнай адукацыі і катэхізацыі БПЦ пройдзе чарговы этап работы Летняй школы для валанцёраў па арганізацыі на прыходах камунікацыі з людзьмі, якія слаба чуюць

У праграме — вывучэнне мовы жэстаў для паўсядзённых зносін (23-27 жніўня) і вывучэнне перакладу на мову жэстаў чынапаследавання Бажэственнай літургіі (30-31 жніўня).

У Гомелі, Рэчыцы, Светлагорску і Жлобіне адбудзецца II Міжнародны духоўна-асветніцкі праваслаўны фестываль

Па благаславенню Высокапраасвяшчэннейшага Сцяфана, архіепіскапа Гомельскага і Жлобінскага, у чатырох гарадах Гомельскай епархіі — Гомелі, Рэчыцы, Светлагорску і Жлобіне пройдзе II Міжнародны духоўна-асветніцкі праваслаўны фестываль. У фестывалі возьмуць удзел храмы і манастыры з Беларусі, Расіі, Украіны, Чарнагорыі, Сербіі, Босніі і Герцагавіны, Сірыі, Малдовы.

У Брэсце адбыўся епархіяльны семінар «Духоўная дапамога сем'ям з паліятыўнымі дзецьмі і дзецьмі-інвалідамі»

На семінары прысутнічалі архіепіскап Брэсцкі і Кобрынскі Іаан, духавенства гарадскіх прыходаў, благачынняў Брэсцкай епархіі, а таксама сёстры міласэрнасці і сацыяльныя работнікі пры храмах епархіі.

У Жыровіцкай абіцелі прайшла прэзентацыя кнігі «Свяшчэнна- і царкоўнаслужыцелі праваслаўных прыходаў Навагрудскага павета ў XIX — пачатку XX стагоддзя»

У прэзентацыі кнігі ўзялі ўдзел клірыкі Навагрудскай епархіі, работнікі ўпраўленняў і аддзелаў адукацыі і культуры Слонімскага, Навагрудскага, Дзятлаўскага і Карэліцкага райвыканкамаў, а таксама прадстаўнікі бібліятэк.

Мітрапаліт Веніямін здзейсніў малое асвячэнне капліцы ў гонар святога праведнага Лазара Чатырохдзённага пры РНПЦ дзіцячай анкалогіі, гематалогіі і імуналогіі [+відэа]

21 жніўня 2021 года Патрыяршы Экзарх усяе Беларусі здзейсніў малое асвячэнне капліцы ў гонар святога праведнага Лазара Чатырохдзённага пры РНПЦ дзіцячай анкалогіі, гематалогіі і імуналогіі і ўзначаліў у ім першую Бажэственную літургію.

У Заслаўі адбыўся IV Міжнародны дабрачынны мастацкі пленэр «Заслаўскі Спас» [+відэа]

Штогод свята збірае прафесіяналаў і аматараў розных узростаў з Беларусі і іншых краін. Свае працы яны прысвячаюць Заслаўскаму сабору і святу Праабражэння Гасподняга.

У выдавецтве «Беларуская Энцыклапедыя імя Петруся Броўкі» ўбачыла свет кніга «Шлях у Нябёсы. Апавяданні аб жыцці свяшчэннамучаніка Уладзіміра Хіраскі»

Кніга апавяданняў, напісаная вядомым беларускім пісьменнікам Аленай Міхаленка, — адна з нямногіх, прысвечаных подзвігу мучанікаў і вызнаўцаў ХХ стагоддзя, якія паказалі подзвіг вернасці Хрысту на землях Беларусі. Ініцыятар выдання кнігі — святар Дзімітрый Ворса, настаяцель храма ў гонар свяшчэннамучаніка Уладзіміра Хіраскі ў горадзе Мінску, дзе працягваецца некалі распачатая святым традыцыя акармлення невідушчых.

Да свята Праабражэння Гасподняга вернікі ўпрыгожылі месца пахавання святой блажэннай Валянціны Мінскай мноствам фларыстычных кампазіцый

Упрыгожванне магілкі святой стала ўжо добрай шматгадовай традыцыяй. Паломнікі прыязджаюць папрацаваць на могілках за некалькі дзён да свята і прывозяць расліны з розных куткоў Беларусі. Для дэкору акрамя кветак і каласоў ў гэты раз выкарыстоўваліся ягады, садавіна і гарбузы. Рукатворная прыгажосць, створаная да свята Праабражэння Госпада Бога і Спаса нашага Іісуса Хрыста — у рэпартажы фатографа Вольгі Вячорка.

Патрыяршы Экзарх узначаліў прастольную ўрачыстасць у Спаса-Праабражэнскім храме горада Мінска

19 жніўня 2021 года, у свята Праабражэння Госпада Бога і Спаса нашага Іісуса Хрыста, мітрапаліт Мінскі і Заслаўскі Веніямін, Патрыяршы Экзарх усяе Беларусі, здзейсніў Бажэственную літургію ў Спаса-Праабражэнскім храме горада Мінска.

У свята Праабражэння Гасподняга мітрапаліт Веніямін адслужыць Бажэственную літургію ў Спаса-Праабражэнскім храме горада Мінска

Прамая трансляцыя богаслужэння пачнецца ў 9:45 на YouTube-канале тэлеканала СТВ.

19 жніўня Праваслаўная Царква святкуе Праабражэнне Гасподняе

У гэты дзень мы ўспамінаем евангельскую падзею, калі апосталы Пётр, Іакаў і Іаан убачылі Госпада Іісуса Хрыста пераўтвораным — ва ўсёй Боскай, вечнай славе.

У Гомельскай вобласці стартаваў праект «Сэрцабіцце чалавека», накіраваны на захаванне жыццяў ненароджаных немаўлят

У рамках праекта жанчынам, якія маюць намер зрабіць аборт, будуць прапаноўваць правесці ультрагукавое даследаванне, каб убачыць на маніторы малыша і пачуць яго сэрцабіцце. Праект ахоплівае ўсе арганізацыі аховы здароўя Гомельшчыны, якія аказваюць спецыялізаваную меддапамогу. Ініцыятары ідэі — галоўнае ўпраўленне аховы здароўя Гомельскага аблвыканкама, Гомельская епархія Беларускай Праваслаўнай Царквы, Дабрачынны фонд падтрымкі сям'і, мацярынства і дзяцінства «Пакроў», Гомельскае дабрачыннае грамадскае аб'яднанне «Цэнтр падтрымкі сям'і і мацярынства «Мамалета».

Вакол горада Магілёва адбыўся аўтамабільны хрэсны ход з міратачывай іконай Божай Маці «Замілаванне» (Лакоцкая)

15 жніўня 2021 года ў Магілёве адбыўся хрэсны ход з міратачывай іконай Божай Маці «Замілаванне» (Лакоцкая). Праваслаўныя магілёўцы аб'ехалі са святыняй вакол абласнога цэнтра, просячы Царыцу Нябесную аб нябеснай дапамозе і абароне горада на Дняпры. Гэтае паломніцтва стала завяршальнай часткай вялікага хрэснага ходу з міратачывай іконай, які праводзіцца па благаславенню мітрапаліта Мінскага і Заслаўскага Веніяміна, Патрыяршага Экзарха, для праслаўлення Прасвятой Багародзіцы ў гарадах і весях Белай Русі.