Свяшчэнны Сінод Рускай Праваслаўнай Царквы ўстанавіў штогадовы дзень памінальных набажэнстваў аб бязвінна багаборцамі забітых або бязвінна зняволеных

Свяшчэнны Сінод у дадатак да штогадовага памінання пацярпелых у гады ганенняў за веру Хрыстову благаславіў на тэрыторыі Расіі 30 кастрычніка здзяйсняць памінальныя набажэнствы аб усіх праваслаўных хрысціянах, бязвінна багаборцамі забітых або бязвінна зняволеных. Сінодам Самакіравальных Цэркваў, экзархатаў, мітрапалічых акруг, а ў епархіях, размешчаных за межамі Расіі непералічаных частак Рускай Праваслаўнай Царквы, — епархіяльным архіерэям разам з епархіяльнымі сходамі, прапанавана вызначыць, зыходзячы з мясцовых патрэбаў і ўмоў, дзень здзяйснення асаблівых памінальных набажэнстваў аб усіх праваслаўных хрысціянах, бязвінна багаборцамі забітых або бязвінна зняволеных.

Імя архіепіскапа Генадзя (Парфенцьева) уключана ў пайменны спіс Сабору новамучанікаў і вызнаўцаў Царквы Рускай

Свяшчэнны Сінод прыняў рашэнне ўключыць імя архіепіскапа Генадзя (Парфенцьева) у пайменны спіс Сабору новамучанікаў і вызнаўцаў Царквы Рускай. Памяць свяшчэннамучаніка Генадзя будзе здзяйсняцца 28 кастрычніка / 10 лістапада, у дзень яго скону.

Свяшчэнны Сінод Рускай Праваслаўнай Царквы зацвердзіў да агульнацаркоўнага ўжывання шэраг службаў святым, акафістаў і канонаў

У ходзе пасяджэння Свяшчэннага Сінода Рускай Праваслаўнай Царквы 23-24 верасня 2021 года ўдзельнікі заслухалі рапарты старшыні Выдавецкага савета мітрапаліта Калужскага і Бораўскага Клімента і старшыні Сінадальнай богаслужэбнай камісіі мітрапаліта Петразаводскага і Карэльскага Канстанціна аб прадстаўленні на зацвярджэнне Свяшчэннага Сінода шэрагу богаслужэбных тэкстаў і тэкстаў акафістаў.

Сінод Беларускай Праваслаўнай Царквы зацвердзіў манахіню Васілісу (Саракалетаву) на пасадзе настаяцельніцы Свята-Мікольскага жаночага манастыра горада Магілёва

Рашэннем Сінода Беларускай Праваслаўнай Царквы манахіня Васіліса (Саракалетава Людміла Анатольеўна) зацверджана на пасадзе настаяцельіцы Свята-Мікольскага жаночага манастыра горада Магілёва Магілёўскай епархіі Беларускай Праваслаўнай Царквы (журнал №82 ад 7 верасня 2021 года). Час і месца ўзвядзення манахіні Васілісы (Саракалетавай) у сан ігуменні пакінуты на меркаванне Праасвяшчэннага архіепіскапа Магілёўскага і Мсціслаўскага Сафронія.

Сінод Беларускай Праваслаўнай Царквы зацвердзіў манахіню Ксенію (Сакалову) на пасадзе настаяцелькі Свята-Духава жаночага манастыра горада Віцебска

Рашэннем Сінода Беларускай Праваслаўнай Царквы манахіня Ксенія (Сакалова Ніна Міхайлаўна) зацверджана на пасадзе настаяцелькі Свята-Духава жаночага манастыра горада Віцебска Віцебскай епархіі Беларускай Праваслаўнай Царквы (журнал №82 ад 7 верасня 2021 года). Час і месца ўзвядзення манахіні Ксеніі (Сакаловай) ў сан ігуменні пакінута на меркаванне Праасвяшчэннага архіепіскапа Віцебскага і Аршанскага Дзімітрыя.

Старшынёй Сінадальнага аддзела рэлігійнай адукацыі і катэхізацыі Беларускай Праваслаўнай Царквы прызначаны іерэй Сцяфан Варапай

Рашэннем Сінода Беларускай Праваслаўнай Царквы ад 7 верасня 2021 года (журнал №84) старшынёй Сінадальнага аддзела рэлігійнай адукацыі і катэхізацыі Беларускай Праваслаўнай Царквы прызначаны іерэй Сцяфан Варапай, клірык прыхода храма свяшчэннамучаніка Уладзіміра Хіраскі ў горадзе Мінску.

Рашэннем Сінода БПЦ утвораны арганізацыйны камітэт па падрыхтоўцы да святкавання 1030-годдзя Праваслаўя на Беларускіх землях, якое будзе адзначацца ў 2022 годзе

Узначаліў камітэт мітрапаліт Мінскі і Заслаўскі Веніямін, Патрыяршы Экзарх усяе Беларусі.

Зацверджаны журналы Сінода Беларускага Экзархату ад 7 верасня 2021 года

На пасяджэнні Свяшчэннага Сінода Рускай Праваслаўнай Царквы, які праходзіў 23-24 верасня 2021 года ў Маскве пад старшынствам Свяцейшага Патрыярха Маскоўскага і ўсяе Русі Кірыла, зацверджаны журналы Сінода Беларускага Экзархату ад 7 верасня 2021 года.

У саборным доме пры Свята-Духавым кафедральным саборы горада Мінска пройдзе сустрэча з архімандрытам Савай (Мажукам) на тэму «Царква — гэта сяброўства»

«Царква — гэта сяброўства» — такая формула царкоўнага жыцця, знойдзеная, правераная і агучаная ў сяброўскім гуртку рускіх філосафаў і багасловаў пачатку XX стагоддзя. Так казаў пра Царкву ў лістах духоўным дзецям а. Сергій Булгакаў, спасылаючыся на свайго сябра а. Паўла Фларэнскага, вучнем якога быў Сяргей Іосіфавіч Фудзель, які пакінуў у спадчыну сваім чытачам як запаведзь і арыенцір: «Царква ёсць непазбежнасць Боскай дружбы вучняў Хрыстовых». Як рускія мысляры прыйшлі да такой формулы? Чым яе правяралі? Чаму яна не страціла сваёй актуальнасці для хрысціян XXI стагоддзя? Пра гэта ў лекцыі айца Савы (Мажукі).