Дэлегацыя Хрысціянскага адукацыйнага цэнтра наведала Рым

Мэтай паездкі з'яўлялася падрыхтоўка міжнароднай канферэнцыі, прысвечанай памяці мітрапаліта Ленінградскага і Наўгародскага Нікадзіма (Ротава), а таксама абмеркаванне напрамкаў далейшага супрацоўніцтва з Пантыфікальнай Радай па садзейнічанню хрысціянскаму адзінству.

Выдадзены зборнік матэрыялаў III Рэспубліканскай канферэнцыі «Духоўнасць. Маральнасць. Традыцыі»

Па благаславенню рэктара Мінскай духоўнай семінарыі архіепіскапа Навагрудскага і Слонімскага Гурыя выдавецтва семінарыі выпусціла зборнік матэрыялаў III Рэспубліканскай канферэнцыі «Духоўнасць. Маральнасць. Традыцыі». Суарганізатарамі форуму, які праходзіў 22 кастрычніка 2016 года на базе Мінскай духоўнай семінарыі, выступалі ДУА «Мінскі гарадскі інстытут развіцця адукацыі» і МГА «Хрысціянскі адукацыйны цэнтр імя святых Мяфодзія і Кірыла».

Марка «Беларуская Праваслаўная Царква. 1025-годдзе Полацкай епархіі» ўвайшла ў дзясятку лепшых у свеце

Падведзены вынікі конкурсу на званне самай прыгожай маркі свету 2017 года «Вялікі прыз выставы WIPA» ў Аўстрыі. У конкурсе прыняло ўдзел больш за 70 краін. Шостае месца заняла Беларусь з маркай «Беларуская Праваслаўная Царква. 1025-годдзе Полацкай епархіі».

У Мінскай духоўнай семінарыі прайшла пленэрная практыка для навучэнцаў мастацкага каледжа імя Глебава

На працягу ўсяго перыяду практыкі навучэнцы пражывалі ў адпаведнасці з раскладам, устаноўленым духоўнай школай. Роўна палова адведзенага часу была прысвечана іканапісу, у тым ліку багаслоўю кананічнай іконы.

Прарэктар Інстытута тэалогіі БДУ прыняў удзел у круглым стале ў Санкт-Пецярбургу

На факультэце гісторыі і сацыяльных навук Расійскага дзяржаўнага педагагічнага ўніверсітэта імя А. І. Герцэна (Санкт-Пецярбург) адбыўся круглы стол «Навуковае вывучэнне рэлігіі: праблемы метадаў і крыніц». Удзел у абмеркаванні прыняў прарэктар па навуковай рабоце Інстытута тэалогіі БДУ С. І. Шатраўскі.

Выйшаў з друку пятнаццаты нумар біблейскага часопіса «Скрыжалі»

У нумар увайшлі артыкулы, падрыхтаваныя аўтарамі з Расіі, Беларусі, Сірыі, Швейцарыі, Германіі, Чэхіі. Галоўны рэдактар — архімандрыт Сергій (Акімаў), рэктар Мінскай духоўнай акадэміі, загадчык кафедры біблеістыкі Агульнацаркоўнай аспірантуры і дактарантуры, доктар багаслоўя. Выданне ўключана ў Агульнацаркоўны пералік рэцэнзаваных выданняў, у якіх павінны публікавацца вынікі даследаванняў суіскальнікаў царкоўных навукоўцаў ступеняў доктара багаслоўя, доктара царкоўнай гісторыі і кандыдата багаслоўя.

У музей Мінскай духоўнай семінарыі перададзена калекцыя фатаграфій прафесара Дз. П. Агіцкага

Збор царкоўна-археалагічнага музея Мінскай духоўнай семінарыі папоўніўся фатаграфіямі з асабістага архіву былога выкладчыка семінарыі, а пасля загадчыка аспірантуры Маскоўскай духоўнай акадэміі прафесара Дз. П. Агіцкага (1908-1994).

У Мінскай духоўнай семінарыі прайшлі III Чытанні памяці свяшчэннамучаніка Пятра (Палянскага)

Чытанні з'яўляюцца навуковым форумам, які штогод праводзіцца ў МінДС, прысвечаным памяці Патрыяршага Месцазахавальніка мітрапаліта Круціцкага Пятра (Палянскага). Свяшчэннамучанік Пётр узначальваў Рускую Праваслаўную Царкву з 1925 па 1937 гады, калі атэістычныя ганенні на рэлігію ў Савецкім Саюзе дасягнулі найвышэйшага развіцця.

Выйшла кніга іерэя Гардзея Шчаглова «Ваенныя храмы Мінска»

Выйшла новая кніга прафесара Мінскай духоўнай акадэміі, доктара царкоўнай гісторыі іерэя Гардзея Шчаглова, прысвечаная гісторыі вайсковых храмаў Мінска. Што мы ведаем пра такія храмы? Задаючыся гэтым пытаннем, у лепшым выпадку, хтосьці ўспомніць царкву святога дабравернага вялікага князя Аляксандра Неўскага на Вайсковых могілках. Але, як высвятляецца, нават аб гэтай царкве, а дакладней, аб «вайсковым» перыядзе яе гісторыі, звесткі даволі бедныя і часта памылковыя. На самай жа справе ў Мінску быў і ёсць не адзін ваенны храм. А вось колькі іх было, калі і якія менавіта — як раз і распавядаецца ў новай кнізе іерэя Гардзея Шчаглова.

47 чалавек скончылі Віцебскую духоўную семінарыю

У Віцебскай духоўнай семінарыі прайшлі ўрачыстыя мерапрыемствы з нагоды выпуску студэнтаў вочнай і завочнай формаў навучання. Выпускны акт узначаліў рэктар духоўнай школы архіепіскап Віцебскі і Аршанскі Дзімітрый.

Беларусы прынялі ўдзел у міжнародным фестывалі «Аляксееўскія перазвоны — 2018»

2 чэрвеня ў пасёлку Аляксееўскае Рэспублікі Татарстан пад дэвізам «Ззяй ў стагоддзях, Святая Русь!» адбыўся XVI фестываль звону «Аляксееўскія перазвоны — 2018». У фестывалі прынялі ўдзел майстры звону з Расіі, Украіны і Беларусі.

У Карэлічах праходзяць курсы павышэння кваліфікацыі выкладчыкаў факультатыва «Асновы праваслаўнай культуры»

З 4 па 8 чэрвеня ў сярэдняй школе № 1 гарадскога пасёлка Карэлічы Гродзенскай вобласці праходзяць заняткі па павышэнню кваліфікацыі класных кіраўнікоў і настаўнікаў, якія выкладаюць факультатыў «Асновы праваслаўнай маральнасці (культуры)» ва ўстановах адукацыі Карэліцкага раёна.

Адбылася XX Нарада праваслаўных сектазнаўцаў Рэспублікі Беларусь

5 чэрвеня ў Сінадальным цэнтры сектазнаўства Беларускай Праваслаўнай Царквы прайшла ХХ Нарада праваслаўных сектазнаўцаў Рэспублікі Беларусь, у якой прынялі ўдзел прадстаўнікі 12 епархій Беларускага Экзархату.

Адкрыты набор удзельнікаў на Восьмы рэспубліканскі навучальны семінар «Місія і міласэрнасць»

Семінар будзе праходзіць у Мінскай духоўнай семінарыі з 8 па 14 ліпеня. Да ўдзелу запрашаюцца праваслаўныя маладыя людзі не маладзейшыя за 17 гадоў, неабыякавыя да праблем бліжніх і жыцця Праваслаўнай Царквы, якія цікавяцца тэалогіяй і жадаюць атрымаць веды па арганізацыі місіянерскага і сацыяльнага служэння.

Выйшла дапоўненае выданне кнігі Уладзіміра Марціновіча «Сектанцтва: узнікненне і міграцыя»

Выдавецкі дом «Пазнанне» (Масква) выпусціў манаграфію Уладзіміра Марціновіча «Сектанцтва: узнікненне і міграцыя». Аўтар — доктар тэалогіі, старшыня Сінадальнага цэнтра сектазнаўства імя прападобнага Іосіфа Волацкага Беларускай Праваслаўнай Царквы, загадчык кафедры апалагетыкі Мінскай духоўнай акадэміі. Гэта ўжо другое выданне кнігі, выпраўленае і дапоўненае. Ва ўсіх раздзелах цалкам абноўлена статыстыка (па дадзеных на студзень 2018 года), пашыраны і ўдакладнены раздзел метадалогіі і паняційнага апарата, дададзена шмат дадатковых фактаў і прыкладаў.