Мітрапаліт Павел узначаліў аб'яднаныя ўрачыстасці з нагоды актавага дня Мінскай духоўнай акадэміі і актавага дня Мінскага духоўнага вучылішча

17 лістапада, у Нядзелю 22-ю пасля Пяцідзесятніцы, адбыліся аб'яднаныя ўрачыстасці з нагоды актавага дня Мінскай духоўнай акадэміі імя свяціцеля Кірыла Тураўскага і актавага дня Мінскага духоўнага вучылішча.

У выдавецтве Мінскай духоўнай акадэміі выйшла манаграфія «Кіеўская мітраполія і ўсходнія патрыярхі пасля Брэсцкай уніі (1596 — 1632 гг.)»

11 лістапада Выдавецтва Мінскай духоўнай акадэміі выпусціла манаграфію К. А. Апановіч «Кіеўская мітраполія і ўсходнія патрыярхі пасля Брэсцкай уніі (1596 — 1632 гг.)». Кантакты прадстаўнікоў Усходніх патрыярхатаў з Кіеўскай мітраполіяй ажыццяўляліся ў унікальны перыяд, калі ўрад Рэчы Паспалітай пазбавіў Праваслаўную Царкву юрыдычнага статусу, але Праваслаўе de facto працягвала існаваць. У дадзенай працы аўтар робіць спробу выяўлення цэласнага гістарычнага зместу дадзеных кантактаў, шырока выкарыстоўваючы дакументальныя крыніцы, створаныя як дзяржаўнымі, так і царкоўнымі структурамі.

Прарэктар па навуковай рабоце Мінскіх духоўных школ прыняў удзел у міжнародным форуме па тэме «Хрысціянства і педагогіка: гісторыя і сучаснасць»

Міжнародная навукова-практычная канферэнцыя «Хрысціянства і педагогіка: гісторыя і сучаснасць» арганізуецца Пензенскай духоўнай семінарыяй з 2017 года. Удзел у працы прымаюць навуковыя спецыялісты з розных рэгіёнаў Расіі, Беларусі, Грэцыі, Латвіі, Фінляндыі, Іспаніі, Аўстраліі і іншых краін.

Спадчыне і спадчыннікам Вялікай Перамогі прысвячаюцца Пакроўскія адукацыйныя чытанні Гомельскай епархіі

На працягу месяца ў рамках чытанняў адбудуцца семінары, канферэнцыі, круглыя сталы, адкрыюцца дыскусійныя пляцоўкі і тэматычныя выставы. Толькі ў Гомелі пройдуць каля 15 секцый, многія з якіх будуць арганізаваны для старшакласнікаў, навучэнцаў каледжаў і ліцэяў, студэнтаў ВНУ.

У Мінскай духоўнай семінарыі адбудзецца XVIII Семінар студэнтаў ВНУ Беларусі

13-14 снежня Мінская духоўная семінарыя правядзе XVIII Семінар студэнтаў вышэйшых навучальных устаноў Беларусі «Праваслаўе і цывілізацыйны выбар Беларусі» (да 180-годдзя Полацкага сабора 1839 года). Заяўкі ўдзельнікаў і тэзісы дакладаў прымаюцца да 2 снежня.

Беларуская Праваслаўная Царква і Нацыянальная акадэмія навук Беларусі правялі сумесную канферэнцыю

1 лістапада ў Мінску прайшла міжнародная навуковая канферэнцыя «Праваслаўе ў Беларусі. ХІХ-ХХ ст.» Арганізатарамі форуму выступілі Беларуская Праваслаўная Царква, Нацыянальная акадэмія навук Беларусі, Аддзяленне гуманітарных навук і мастацтваў НАН Беларусі, Інстытут гісторыі НАН Беларусі, Мінская духоўная акадэмія.

Выйшаў спецыяльны нумар альманаха «Працы Камісіі па кананізацыі святых Беларускай Праваслаўнай Царквы»

У выдавецтве Мінскай духоўнай акадэміі выйшаў чацвёрты нумар альманаха «Працы Камісіі па кананізацыі святых Беларускай Праваслаўнай Царквы», цалкам прысвечаны жыццю і царкоўнай дзейнасці мітрапаліта Літоўскага і Віленскага Іосіфа (Сямашкі) (1798-1868), ініцыятара ўз'яднання беларускіх уніятаў з Праваслаўнай Царквой. Выданне адрасавана праваслаўным клірыкам і міранам, гісторыкам, рэлігіязнаўцам, культуролагам, краязнаўцам, выкладчыкам духоўных і свецкіх навучальных устаноў, студэнтам, навучэнцам, а таксама ўсім, хто цікавіцца пытаннямі агіялогіі і беларускай царкоўнай гісторыі.

Адбылася сустрэча студэнтаў Мінскай духоўнай акадэміі з вядомым царкоўным гісторыкам і кананістам протаіерэем Уладзіславам Цыпіным

Айцец Уладзіслаў у сваёй гутарцы закрануў такія тэмы, як дыпціх Памесных Праваслаўных Цэркваў, роля Канстанцінопальскага Патрыярха ў пытаннях царкоўнага суда і кіравання на тэрыторыях, якія выходзяць за межы Канстанцінопальскага Патрыярхату, права апеляцыі да Канстанцінопальскага Патрыярха, Крыцкі сабор, абвяшчэнне і прызнанне аўтакефаліі Рускай Праваслаўнай Царквы.

У выдавецтве Мінскай духоўнай акадэміі выйшаў зборнік матэрыялаў навуковай канферэнцыі «Мітрапаліт Іосіф (Сямашка): асоба, эпоха, гістарычны шлях Праваслаўя на беларускіх землях»

Выдавецтва Мінскай духоўнай акадэміі выпусціла ў свет зборнік матэрыялаў Міжнароднай навукова-практычнай канферэнцыі «Мітрапаліт Іосіф (Сямашка; 1798-1868): асоба, эпоха, гістарычны шлях Праваслаўя на беларускіх землях». Навуковы форум праходзіў 24-26 кастрычніка 2018 года ў Мінску. Арганізатарамі мерапрыемства выступілі Беларуская Праваслаўная Царква, Нацыянальная акадэмія навук Беларусі, Аддзяленне гуманітарных навук і мастацтваў НАН Беларусі, Інстытут філасофіі НАН Беларусі і Мінская духоўная акадэмія.

Прарэктар па навуковай рабоце Мінскіх духоўных школ прыняў удзел у грамадска-навуковым форуме ў Санкт-Пецярбургу

29-30 кастрычніка ў Санкт-Пецярбургу праходзіў грамадска-навуковы форум «Дзяржава і рэлігія: шляхі дыялогу», які з'яўляецца дыскусійнай пляцоўкай для абмеркавання шляхоў узаемадзеяння традыцыйных канфесій, дзяржаўных органаў і грамадзянскай супольнасці сучаснай Расіі.

Беларуская Праваслаўная Царква і Нацыянальная акадэмія навук Беларусі правядуць міжнародную канферэнцыю

31 кастрычніка ў Нацыянальнай бібліятэцы Беларусі адбудзецца ўрачысты акт, прымеркаваны да 180-годдзя Полацкага царкоўнага сабора 1839 года. На наступны дзень, 1 лістапада, у Мінску адбудзецца Міжнародная навукова-практычная канферэнцыя «Праваслаўе ў Беларусі. ХІХ-ХХ стагоддзі».

Настаўнікі гродзенскіх школ наведалі лекцыю «Значэнне Полацкага царкоўнага сабора 1839 года для канфесійнай гісторыі Беларусі»

У актавай зале Пакроўскага кафедральнага сабора горада Гродна адбылася лекцыя прафесара Мінскай духоўнай акадэміі, першага прарэктара Інстытута тэалогіі Беларускага дзяржаўнага ўніверсітэта протаіерэя Сергія Гардуна «Значэнне Полацкага царкоўнага сабора 1839 года для канфесійнай гісторыі Беларусі».

У Гомельскай епархіі адбудзецца сустрэча з гісторыкам Аляксандрам Мрамарнавым — вядучым спецыялістам па гісторыі Памеснага сабора 1917-1918 гадоў

5 лістапада ў 14:00 у будынку Гомельскага епархіяльнага ўпраўлення адбудзецца сустрэча з Аляксандрам Ігаравічам Мрамарнавым — кандыдатам гістарычных навук, дацэнтам, спецыялістам па гісторыі Свяшчэннага Сабора Праваслаўнай Рускай Царквы 1917-1918 гадоў.

Памёр прафесар Ульрых Луц — самы вядомы ў свеце даследчык Евангелля паводле Матфея

Прафесар Ульрых Луц двойчы бываў у Беларусі — у свой першы прыезд у лютым 2006 года ён пазнаёміўся з жыццём Інстытута тэалогіі БДУ і Мінскіх духоўных школ, прыняў удзел у закладцы капсулы ў падмурак будынка Мінскай духоўнай акадэміі, якая будавалася, выступіў з лекцыямі ў Мінскай духоўнай семінарыі, Інстытуце тэалогіі, на факультэце міжнародных адносін БДУ і сталічнай гімназіі № 11. Другі раз прафесар Луц быў у Мінску ў якасці саарганізатара Пятага Усходнееўрапейскага сімпозіума даследчыкаў Новага Запавету «Евангельскія вобразы Госпада Іісуса Хрыста ў царкоўнай традыцыі і біблейскай навуцы», які адбыўся ў верасні 2010 года.

Беларуская Праваслаўная Царква і Нацыянальная акадэмія навук абмеркавалі перспектывы супрацоўніцтва

24 кастрычніка ў Мінскай духоўнай акадэміі адбылося пасяджэнне Каардынацыйнага савета па распрацоўцы і рэалізацыі сумесных праграм супрацоўніцтва паміж органамі дзяржаўнага кіравання і Беларускай Праваслаўнай Царквой на тэму: «Аб ходзе выканання праграмы супрацоўніцтва паміж Нацыянальнай акадэміяй навук Рэспублікі Беларусь і Беларускай Праваслаўнай Царквой».