Адбылося пасяджэнне Савета Інстытута тэалогіі БДУ

26 лістапада пад старшынствам мітрапаліта Мінскага і Заслаўскага Паўла, Патрыяршага Экзарха ўсяе Беларусі, рэктара Інстытута тэалогіі Беларускага дзяржаўнага ўніверсітэта, адбылося чарговае пасяджэнне Савета Інстытута тэалогіі.

З 29 па 30 лістапада адбудуцца Пятыя Беларускія Калядныя чытанні

Па благаславенню мітрапаліта Мінскага і Заслаўскага Паўла, Патрыяршага Экзарха ўсяе Беларусі, 29-30 лістапада пройдуць пятыя Беларускія Калядныя чытанні «Вялікая Перамога: спадчына і спадчыннікі». Заяўкі на ўдзел і матэрыялы дакладаў прымаюцца да 20 лістапада.

У Мінскай духоўнай семінарыі адбылася VII адкрытая канферэнцыя «Духоўнасць. Маральнасць. Традыцыі»

У працы форуму прынялі ўдзел выкладчыкі Мінскай духоўнай семінарыі, Мінскай духоўнай акадэміі, Мінскага гарадскога інстытута развіцця адукацыі, сярэдніх школ Мінскай, Гродзенскай, Брэсцкай і Віцебскай абласцей, клірыкі Мінскай і Навагрудскай епархій.

У Мінскай духоўнай семінарыі адбудзецца VII адкрытая канферэнцыя «Духоўнасць. Маральнасць. Традыцыі»

Арганізатарамі форуму выступаюць: Мінская духоўная семінарыя, Упраўленне каардынацыі павышэння кваліфікацыі спецыялістаў выхаваўчай, сацыяльна-педагагічнай і псіхалагічнай службаў ДУА «Мінскі гарадскі інстытут развіцця адукацыі» і МГА «Хрысціянскі адукацыйны цэнтр імя святых Мяфодзія і Кірыла».

Брэсцкая моладзь перамагла ў міжнароднай інтэлектуальнай гульні «Медыцына і Біблія»

У мерапрыемстве, арганізаваным асветніцкім аддзелам Астанайскай епархіі Казахстанскай мітраполіі, прынялі ўдзел каманды з 8 краін: Расіі, Беларусі, Кыргызстана, Узбекістана, Казахстана, Літвы, Латвіі і Германіі.

У Бабруйскай епархіі адбыліся курсы павышэння кваліфікацыі для педагогаў-рэлігіязнаўцаў

Па благаславенню епіскапа Бабруйскага і Быхаўскага Серафіма ў горадзе Бабруйску адбыліся другія епархіяльныя курсы павышэння кваліфікацыі для педагогаў-рэлігіязнаўцаў па праграме «Духоўныя і культурныя традыцыі беларускага народа».

У Брэсцкім дзяржаўным тэхнічным універсітэце прайшла канферэнцыя «Духоўнасць. Моладзь. Айчына»

18 лістапада на базе Брэсцкага дзяржаўнага тэхнічнага ўніверсітэта адбылася рэгіянальная навукова-практычная канферэнцыя «Духоўнасць. Моладзь. Айчына», прымеркаваная да 75-годдзя Перамогі ў Вялікай Айчыннай вайне, якое будзе адзначацца ў будучым 2020 годзе.

Мітрапаліт Павел узначаліў аб'яднаныя ўрачыстасці з нагоды актавага дня Мінскай духоўнай акадэміі і актавага дня Мінскага духоўнага вучылішча

17 лістапада, у Нядзелю 22-ю пасля Пяцідзесятніцы, адбыліся аб'яднаныя ўрачыстасці з нагоды актавага дня Мінскай духоўнай акадэміі імя свяціцеля Кірыла Тураўскага і актавага дня Мінскага духоўнага вучылішча.

У выдавецтве Мінскай духоўнай акадэміі выйшла манаграфія «Кіеўская мітраполія і ўсходнія патрыярхі пасля Брэсцкай уніі (1596 — 1632 гг.)»

11 лістапада Выдавецтва Мінскай духоўнай акадэміі выпусціла манаграфію К. А. Апановіч «Кіеўская мітраполія і ўсходнія патрыярхі пасля Брэсцкай уніі (1596 — 1632 гг.)». Кантакты прадстаўнікоў Усходніх патрыярхатаў з Кіеўскай мітраполіяй ажыццяўляліся ў унікальны перыяд, калі ўрад Рэчы Паспалітай пазбавіў Праваслаўную Царкву юрыдычнага статусу, але Праваслаўе de facto працягвала існаваць. У дадзенай працы аўтар робіць спробу выяўлення цэласнага гістарычнага зместу дадзеных кантактаў, шырока выкарыстоўваючы дакументальныя крыніцы, створаныя як дзяржаўнымі, так і царкоўнымі структурамі.

Прарэктар па навуковай рабоце Мінскіх духоўных школ прыняў удзел у міжнародным форуме па тэме «Хрысціянства і педагогіка: гісторыя і сучаснасць»

Міжнародная навукова-практычная канферэнцыя «Хрысціянства і педагогіка: гісторыя і сучаснасць» арганізуецца Пензенскай духоўнай семінарыяй з 2017 года. Удзел у працы прымаюць навуковыя спецыялісты з розных рэгіёнаў Расіі, Беларусі, Грэцыі, Латвіі, Фінляндыі, Іспаніі, Аўстраліі і іншых краін.

Спадчыне і спадчыннікам Вялікай Перамогі прысвячаюцца Пакроўскія адукацыйныя чытанні Гомельскай епархіі

На працягу месяца ў рамках чытанняў адбудуцца семінары, канферэнцыі, круглыя сталы, адкрыюцца дыскусійныя пляцоўкі і тэматычныя выставы. Толькі ў Гомелі пройдуць каля 15 секцый, многія з якіх будуць арганізаваны для старшакласнікаў, навучэнцаў каледжаў і ліцэяў, студэнтаў ВНУ.

У Мінскай духоўнай семінарыі адбудзецца XVIII Семінар студэнтаў ВНУ Беларусі

13-14 снежня Мінская духоўная семінарыя правядзе XVIII Семінар студэнтаў вышэйшых навучальных устаноў Беларусі «Праваслаўе і цывілізацыйны выбар Беларусі» (да 180-годдзя Полацкага сабора 1839 года). Заяўкі ўдзельнікаў і тэзісы дакладаў прымаюцца да 2 снежня.

Беларуская Праваслаўная Царква і Нацыянальная акадэмія навук Беларусі правялі сумесную канферэнцыю

1 лістапада ў Мінску прайшла міжнародная навуковая канферэнцыя «Праваслаўе ў Беларусі. ХІХ-ХХ ст.» Арганізатарамі форуму выступілі Беларуская Праваслаўная Царква, Нацыянальная акадэмія навук Беларусі, Аддзяленне гуманітарных навук і мастацтваў НАН Беларусі, Інстытут гісторыі НАН Беларусі, Мінская духоўная акадэмія.

Выйшаў спецыяльны нумар альманаха «Працы Камісіі па кананізацыі святых Беларускай Праваслаўнай Царквы»

У выдавецтве Мінскай духоўнай акадэміі выйшаў чацвёрты нумар альманаха «Працы Камісіі па кананізацыі святых Беларускай Праваслаўнай Царквы», цалкам прысвечаны жыццю і царкоўнай дзейнасці мітрапаліта Літоўскага і Віленскага Іосіфа (Сямашкі) (1798-1868), ініцыятара ўз'яднання беларускіх уніятаў з Праваслаўнай Царквой. Выданне адрасавана праваслаўным клірыкам і міранам, гісторыкам, рэлігіязнаўцам, культуролагам, краязнаўцам, выкладчыкам духоўных і свецкіх навучальных устаноў, студэнтам, навучэнцам, а таксама ўсім, хто цікавіцца пытаннямі агіялогіі і беларускай царкоўнай гісторыі.

Адбылася сустрэча студэнтаў Мінскай духоўнай акадэміі з вядомым царкоўным гісторыкам і кананістам протаіерэем Уладзіславам Цыпіным

Айцец Уладзіслаў у сваёй гутарцы закрануў такія тэмы, як дыпціх Памесных Праваслаўных Цэркваў, роля Канстанцінопальскага Патрыярха ў пытаннях царкоўнага суда і кіравання на тэрыторыях, якія выходзяць за межы Канстанцінопальскага Патрыярхату, права апеляцыі да Канстанцінопальскага Патрыярха, Крыцкі сабор, абвяшчэнне і прызнанне аўтакефаліі Рускай Праваслаўнай Царквы.